မမျိုးဆက်ပွားကျန်းမာရေး

cute-smiling

မမျိုးဆက်ပွားကျန်းမာရေး

လိင်ပိုင်းဆိုင်ရာ ခန္ဓာဗေဒနှင့် ပတ်သတ်ပြီး လူတိုင်းမှာ ကိုယ်စီ သိလိုတဲ့မေးခွန်းတွေရှိတတ်ကြပါတယ်။ များသောအားဖြင့် လူငယ်တွေက သူတို့ရဲ့ ခန္ဓာကိုယ် အစိတ်အပိုင်းတွေ အကြောင်းရယ်၊ အဲဒီ ခန္ဓာကိုယ် အစိတ်အပိုင်းတွေ ဘယ်လို အလုပ်လုပ်တယ်ဆိုတာတွေရယ် နောက်ပြီး သူတို့ ခန္ဓာကိုယ် အစိတ်အပိုင်းတွေက ပုံမှန်ဖြစ်ရဲ့လားဆိုပြီး စူးစမ်းသိလိုစိတ်တွေ ပိုပြီး ရှိတတ်ကြပါတယ်။ သင့်ရဲ့ မျိုးဆက်ပွား ကျန်းမာရေးစနစ်အကြောင်းအပြင် ခန္ဓာကိုယ် အစိတ်အပိုင်းတွေ၊ သူတို့ရဲ့ လုပ်ငန်းတွေနဲ့ အခြား ကြုံတွေ့ရလေ့ရှိတဲ့ မျိုးပွားခြင်းဆိုင်ရာ ပြဿနာများအကြောင်း လေ့လာလိုပါက ဒီနေရာတွင် ဖတ်ရှုနိုင်ပါသည်။

မ မျိုးဆက်ပွားကျန်းမာရေး

ကိုယ်ဝန်ဆောင်ခြင်းဆိုတာ ရိုးရိုးလေးလို့ထင်ရပါတယ်နော်။ ကိုယ်ဝန်ဆောင်ခြင်းနဲ့ပတ်သတ်ပြီး ဆယ်ကျော်သက် ဒါမှမဟုတ် အသက် ၂၀ ပတ်ဝန်းကျင်လောက်မှာ ဖြစ်သလိုပြီးပြီးရော ရှင်းပြတာတို့၊ သာမန်ရိုးရိုးတန်းတန်း ကြားဖူးနားဝ တတ်သလောက် မှတ်သလောက်နဲ့ သင့်ကို ပြောကြတာမျိုးပဲ တွေ့ခဲ့ရပါလိမ့်မယ်။ အခြားရှုပ်ထွေးတဲ့အရာတွေလိုပဲသေချာရှင်းလေ နားရှုပ်လေဖြစ်နေတတ်ပြီး သေချာ နားလည်ပြီး သဘောပေါက်ဖို့ ခက်ခဲပါတယ်။ ကိုယ်ဝန်ဆောင်ခြင်းနဲ့ ပတ်သတ်ပြီး လေ့လာချင်တယ်ဆိုရင်တော့ ဒီမှာ ဖတ်ကြည့်လို့ရပါတယ်။

ကိုယ်ဝန်ဆောင်ခြင်းကို ရိုးရိုးလေးကြည့်ကြည့်ရအောင်။

ကိုယ်ဝန်ဆောင်ခြင်းဆိုတာ သုက်ကောင်တစ်ကောင်နဲ့ မမျိုးဥ (ဆဲလ်) လေးတွေ ပေါင်းစပ်ပြီး ဖြစ်ပေါ်လာတာလို့ ကြားဖူးပြီးသားဖြစ်မှာပါ။ ဒီဆဲလ်အမျိုးအစား ၂ခု တစ်ခုနဲ့တစ်ခု ထိတွေ့မယ် ပြီးတော့ အောင်မြင်စွာပေါင်းစပ်နိုင်တာနဲ့ ကိုယ်ဝန်ရပြီပေါ့။ လွယ်လွယ်ရှင်းရှင်းလေးလို့ ထင်ရပေမယ့် တကယ်တမ်းမှာက ကိုယ်ဝန်ဆောင်ခြင်းဆိုတာ ဒီထက်အများကြီးပို ရှုပ်ထွေးပါတယ်။

 

Source: http://www.womenshealth.gov/publications/our-publications/fact-sheet/endometriosis.html

http://www.womenshealth.gov/publications/our-publications/fact-sheet/uterine-fibroids.html

https://www.plannedparenthood.org/learn/stds-hiv-safer-sex/pelvic-inflammatory-disease-pid?_ga=1.49116910.977518502.1452055423

Pregnancy_section

အမျိုးသမီးတစ်ယောက် ကိုယ်ဝန်ဆောင်မယ်ဆိုရင်

အမျိုးသမီးအများစုရဲ့ မျိုးဥအိမ် ( သားအိမ်ပြွန်နှစ်ခုရဲ့ အဆုံးတစ်ဖက်ဆီမှာရှိ) ထဲမှာ မမှည့်သေးတဲ့ မမျိုးဥလေးတွေ ရှိပါတယ်။ အရွယ်ရောက်ပြီး ၂၀ကျော် အမျိုးသမီးတစ်ယောက်ဆိုရင် အဲဒီအိတ်ထဲမှာ မမျိုးစေ့လေးတွေ သန်းပေါင်းများစွာရှိတတ်ပါတယ်။ လစဉ်လတိုင်း ရာသီလအလယ်လောက်ဆိုရင် Ovary မျိုးဥအိမ် တစ်ဖက်ဖက်ကနေ မ-မျိုးဥတစ်ခုစီ ကြွေလာမယ်။ ဒါကို Ovulation မျိုးဥကြွေခြင်းလို့ ခေါ်တယ်။ Ovary မျိုးဥအိမ်ကနေ ရင့်မှည့်နေတဲ့ မျိုးဥထွက်လာတာနဲ့ Fallopian tube သားအိမ်ပြွန်ထဲကနေ ဝင်လာမယ်။ အဲလို မျိုးဥကြွေခြင်းမရှိဘူးဆိုရင် ကိုယ်ဝန်မရနိုင်ပါဘူး။

Ovary မျိုးဥအိမ်က မမျိုးဥလေးကို လွှတ်လိုက်တယ်၊ သူက Fallopian tube သားအိမ်ပြွန်တစ်လျှောက် ဖြည်းဖြည်းလေး လိမ့်ဆင်းလာနေတယ်။ ဒီခရီးအတွင်းမှာ သားအိမ်ခေါင်းက ကြွက်သားတွေ ကျယ်လာမယ်၊ သားအိမ်ခေါင်းပတ်လည်ကအရည်တွေ ကျဲလာပြီး   ကပ်လာတယ်။ နောက်ပြီး သားအိမ်ခေါင်းအပေါက်ဝဟာပိုမိုနူးညံ့လာပြီး ပိုမိုကျယ်ကားလာပါတယ်။ ဒီ ၂ခုက သုက်ကောင်လေးတွေ မမျိုးဥနဲ့ အဆင်ပြေပြေတွေ့နိုင်ဖို့ ပြင်ဆင်ခြင်းဖြစ်ပါတယ်။ ဒါတွေအကုန်လုံးရယ်၊ မျိုးဥလေးဆင်းလာတာရယ် အားလုံးက များသောအားဖြင့် ရာသီခွင်တစ်ခုရဲ့ ရက်အနည်းငယ်အတွင်းမှာ ဖြစ်ပေါ်လေ့ရှိပါတယ်။

ကိုယ်ဝန်ဆောင်ခြင်းနှင့် အမျိူးသားများ ပတ်သတ်မှု

တကယ်လို့ အမျိုးသားဟာ သားအိမ်ဝ (သို့) မိန်းမကိုယ်အင်္ဂါဇာတ်အဝသို့ သုက်လွှတ်လိုက်ပါက သုက်ကောင်တွေနဲ့ သုက်ရည်ကြော့င် ကိုယ်ဝန်ရဖို့ အလားအလာရှိပါတယ်။ သုက်ကောင်နဲ့ သုက်ရည်ဆိုတာ မတူဘူးနော်။ သုက်ရည်ဆိုတာ သုက်ရည်ဂလင်းကနေ ထွက်လာပြီး အပြင်ကို လိင်တံထိပ်ဝကနေထွက်လာတာကိုခေါ်တယ်။ သုက်ရည်မှာ သုက်ကောင်ကောင်လေးတွေပါတယ်ဆိုတာဟုတ်တယ်၊ ဒါပေမယ့်လည်း သုက်ကောင်ချည်းပဲက ၅%ထက် နည်းနည်းပဲပါတာပါ။ သုပ်ရည်ဆိုတာ သုက်ကောင်လေးတွေ လိင်တံကနေ မိန်းမကိုယ်ထဲကို ရှောရှောရှုရှု ရောက်အောင်ရယ်၊ သုက်ကောင်လေးတွေအတွက် လိုအပ်တဲ့အာဟာရနဲ့ စွမ်းအင်တွေပေးတာရယ် ပြုလုပ်ပေးပါတယ်။ မအင်္ဂါပတ်ဝန်းကျင်နဲ့ သုက်ကောင်တွေကိုအန္တရာယ်ဖြစ်စေနိုင်တဲ့အရာတွေ ဓာတ်ပြယ်စေဖို့အတွက် အကူအညီပေးပါသေးတယ်။

နေ့တိုင်း ဝှေးစေ့နှစ်ခုဟာ သန်းပေါင်းများစွာသော သုက်ကောင်လေးတွေကို ဖန်တီးပေးပါတယ်။ သုက်ကောင်လေးတွေဟာ အင်မတန်ထိခိုက်လွယ်၊ ပျက်ဆီးလွယ်တယ်။ အပူချိန်အပြောင်းအလဲဖြစ်တာတို့ တစ်နေရာကနေ တစ်နေရာကို သူတို့အတွက်သင့်လျော်အောင် အထူးပြုလုပ်ထားသော အခြေအနေမရှိရင် သေသွားကြပါတယ်။

ရာသီစက်ဝန်းရဲ့ အချို့ရက်တွေဆို့ သားအိမ်ခေါင်း ကြွက်သားတွေက အရမ်းထူပြီး ပျစ်နေတတ်လို့ သုက်ကောင်လေးတွေ လွယ်လွယ်ကူကူရွေ့လျားမရ၊ တစ်ခါတစ်လေကျတော့ သားအိမ်ထိပ်ဝက သုက်ကောင်လေးတွေ ဝင်ရောက်ဖို့တောင် အဝက ပွင့်နေခြင်းမရှိပါဘူး။

တစ်ချို့အချိန်တွေဆို သုက်ကောင်လေးတွေက ရောက်နေပေမယ့်လည်း သားအိမ်အတွင်းမှာမျိုးဥရယ် အခြားအရာတွေကအဆင်သင့်မဖြစ်သေးတာကြောင့် မိန်းမအင်္ဂါအခေါင်းတွင်းမှာပဲ ထိုင်စောင့်နေရတာမျိုးလည်းရှိပါတယ်။ သုက်ကောင်လေးတွေက ၅ရက်လောက်ထိကို မိန်းမကိုယ်အတွင်းမှာ အေးဆေးနေနိုင်ပါတယ်။

နောက်ပြီး သုက်ရည်ထွက်မလုံလောက်တာ၊ သုက်ကောင်လေးတွေ လိုအပ်တဲ့ စွမ်းအားမပြည့်တာတို့ ဖြစ်တတ်ပါတယ်။ မိန်းမမျိုးပွား အင်္ဂါတွေရဲ့ သုက်ကောင်လေးတွေနဲ့ မရင်းနှီးတာကြောင့်လည်း ပါ ပါတယ်။ လူ့ခန္ဓာကိုယ်ဟာ ကျွန်ုပ်တို့အတွက် အန္တရာယ်ဖြစ်စေနိုင်တဲ့ မကျန်းမမာဖြစ်စေတဲ့ ပြင်ပက ဘက်ရီးယားပိုးမွှားတွေကို ခုခံတိုက်ထုတ်လေ့ရှိသလိုမျိုးပေါ့။

အဲတော့က အသန်မာဆုံး၊ အကျန်းမာဆုံး သုက်ကောင်ကသာလျှင် မိန်းမအင်္ဂါမြောင်းအတွင်းကို ဝင်ရောက်နိုင်မှာဖြစ်ပါတယ်။

မျိုးဥသန္ဓေအောင်ခြင်းအတွက် ပြည့်စုံတဲ့ အခြေအနေရှိတယ်ဆိုပေမယ့်လည်း သားအိမ်ပြွန်အတွင်းကို သန်းပေါင်းများစွာသောသုက်ကောင်တွေထဲကမှ တစ်ထောင်အောက်အရေအတွက်သာရှိတဲ့ သုက်ကောင်လေးတွေပဲ ဝင်ရောက်နိုင်ပြီး တစ်ဒါဇင်လောက်သာလျှင် မမျိုးဥဆဲလ်ရဲ့အပြင်ဘက်အမြှေးပါးဆီကို ထိတွေ့ရောက်ရှိနိုင်ပါတယ်။ ဒီအချက်ကြောင့် အမျိုးသားအင်္ဂါက သုက်ကောင်အရေအတွက်များစွာ ထုတ်လွှတ်ရခြင်းဖြစ်ပါတယ်။

မျိုးဥ သန္ဓေအောင်ခြင်း

အမျိုးသမီး Vagina ဗဂျိုင်းနာထဲမှာ အဲလို စွန့်ထုတ်ပန်းထွက်မှု ဖြစ်တာနဲ့ သုက်ကောင်တွေဟာ သားအိမ်ဝကနေ Uterus သားအိမ်ထဲကို ရေကူးသလို တက်လာကြမယ်။ မ-မျိုးဥကို အငန်းမရ လိုက်ရှာနေကြတာ ဖြစ်တယ်။ အမြန်ဆုံး သုက်ပိုးဟာ နာရီဝက်သာ ကြာတယ်။ နှေးတဲ့ကောင်တွေက တစ်ရက်နဲ့ မရောက်နိုင်ဘူး။ ပန်းတိုင်အထိ အရောက် ကူးလာနိုင်တဲ့ သုက်ကောင်ရေ ရာဂဏန်းလောက်သာ ရှိတယ်။ အဲမှာ မမျိုးဥကလည်း မှည့်နေပြီ၊ သုက်ကောင်တစ်ကောင်က အဲဥကို ထိုးဖေါက် ဝင်ရောက်တယ်၊ ဒါဆို Conception သန္ဓေတည်ခြင်း ဒါမှမဟုတ် Fertilization မျိုးစပ်ခြင်းဖြစ်စဉ်စတင်ပါပြီ၊ ကိုယ်ဝန်ဆောင်တာ မဟုတ်သေးပါဘူး။

သန္ဓေတည်ခြင်း

ဒီဖြစ်စဉ်က ၂၄ နာရီ/ ၁ရက် သာကြာတယ်။ ဒီအချိန်မှာ သုက်ကောင်နဲ့ မမျိုးဥဆဲလ်တို့ ပေါင်းစပ်ခြင်းကနေ Zygote လို့ခေါ်တဲ့ ဆဲလ်အသစ်လေးဖြစ်လာပါတယ်။ Zygote လေးက တစ်ခုကနေ နှစ်ခု လေးခုစသဖြင့် ဆဲလ်ပွားနေရင်း သားအိမ်အတွင်း လျှောက်ပြီး သွားနေတတ်ပါတယ်။ တစ်ဖြည့်းဖြည်းနဲ့ ဘောလုံးလေးလို Blastocyst ဆဲလ်လေးဖြစ်နေပြီး Endometrium (ဓမ္မတာကာလမှာ အသစ်ပြောင်းလဲလေ့ရှိတဲ့ သားအိမ်အတွင်း မျက်နှာပြင်) နဲ့တွယ်ချိတ်ပြီး သားအိမ်နံရံမှာ သွားကပ်ပြီး သန္ဓေသားဖြစ်လာပါတယ်။ ဒီဖြစ်စဉ်ကို မျိုးအောင်ခြင်းဆိုပြီး ခေါ်လေ့ရှိပြီး ပုံမှန်အားဖြင့် ငါးရက်ကနေ နှစ်ပတ်အတွင်း ကြာမြင့်တတ်ပါတယ်။

Close

ဆီးလမ်းကြောင်းပိုးဝင်ခြင်းများ

တကယ်လို့ သင်ဟာ ဆီးလမ်းကြောင်းပိုးဝင်ခြင်း ခံစားနေရတယ်ဆိုရင်တော့ ဒီလိုခံစားနေရတာ သင်တစ်ယောက်တည်း မဟုတ်ပါဘူး။ အမျိုးသမီး (၅)ယောက်မှာ (၁)ယောက်ဟာ သူတို့ဘ၀တစ်လျှောက် ဆီးလမ်းကြောင်းပိုးဝင်ခြင်းကို အနည်းဆုံး တစ်ကြိမ်တော့ခံစားဖူးကြပါတယ်။ UTI ဟာ ဆီးလမ်းကြောင်းဘယ်နေရာမှာမဆို ကူးစက်တတ်တဲ့ ရောဂါဖြစ်ပါတယ်။ ဆီးလမ်းကြောင်းဟာ ဆီးတွေ ပြုလုပ်၊ သိမ်းဆည်းပြီး ခန္ဓာကိုယ်ကနေ စွန့်ထုတ်ပေးပါတယ်။ ဆီးလမ်းကြောင်းမှ အောက်ပါအစိတ်အပိုင်းတွေ ပါဝင်ပါတယ်။

ကျောက်ကပ်များ – ဆီးပြုလုပ်ရန်အတွက် ခန္ဓာကိုယ်မှ အညစ်အကြေးများကို စုဆောင်းသည်။

ဆီးများကို ကျောက်ကပ်မှ ဆီးအိမ်သို့ ပို့ဆောင်ပေးသော ပြွန်များ – ဆီးများအား ကျောက်ကပ်မှ ဆီးအိမ်သို့ သယ်ဆောင်ပေးသည်။

ဆီးအိမ် – ဆီးအိမ်ပြည့်သွားသည်အထိ ဆီးများအား သိုလှောင်ပေးသည်။

ဆီးများကို ဆီးအိမ်မှ ခန္ဓာကိုယ်ပြင်ပသို့ စွန့်ထုတ်ရာပြွန် – ဆီးသွားသောအခါ ဆီးများအား ဆီးအိမ်မျ ခန္ဓာကိုယ်ပြင်ပသို့ သယ်ဆောင်ပေးသည့် ပြွန်တိုဖြစ်သည်။
UTI သည် ဆီးလမ်းကြောင်းအတွင်းမှ ဘတ်တီးရီးယားများကြောင့် ဖြစ်ပွားခြင်းဖြစ်သည်။ ၎င်းရောဂါသည် အောက်ဖော်ပြပါနည်းလမ်းမျိုးစုံဖြင့် ဖြစ်ပွားနိုင်သည်။

  • သန့်စင်ခန်းသွားပြီးသောအခါ အရှေ့မှအနောက်သို့ သုတ်ခြင်းကြောင့် မျိုးဗီဇကောင်များသည် ယောနိလမ်းကြောင်းအရှေ့ဖက်တွင်ရှိသော ဆီးများကို ဆီးအိမ်မှ ခန္ဓာကိုယ်ပြင်ပသို့ စွန့်ထုတ်ရာပြွန်အ၀ထဲသို့ ၀င်သွားတတ်သည်။
  • လိင်ဆက်ဆံနေစဉ်အတွင်းတွင် ယောနိလမ်းကြောင်းထဲမှ မျိုးဗီဇကောင်များသည် ဆီးများကို ဆီးအိမ်မှ ခန္ဓာကိုယ်ပြင်ပသို့ စွန့်ထုတ်ရာပြွန်ထဲသို့ တွန်းပို့ခြင်း ခံရတတ်သည်။
  • ဆီးသွားရန် ကြာမြင့်စွာ စောင့်ဆိုင်းရခြင်း။ ဆီးများ ဆီးအိမ်ထဲတွင် အချိန်ကြာမြင့်စွာ ရှိနေသည့်အခါ မျိုးဗီဇကောင်များ ပိုမိုထွက်ရှိလာပြီး ပိုမိုဆိုးရွားသော UTI ရောဂါဖြစ်ပွားလာပါတယ်။
  • ဆီးအိမ် လုံးဝဟာလာဟင်းလင်းဖြစ်သွားစေရန် ခက်ခဲစေသည့် ကျောက်ကပ်၌တည်နေသောကျောက်ကဲ့သို့သော အရာမှန်သမျှ
  • အခြားကျန်းမာရေးပြသနာများကို ခန္ဓာကိုယ်မှ ပြန်လည်တွန်းလှန်ရန် ခက်ခဲစေသည့် ဆီးချိုရောဂါရှိခြင်း၊
  • အက်စထရိုဂျင် လျော့နည်းခြင်းနှင့် သွေးဆုံးပြီးနောက် ယောနိလမ်းကြောင်းအတွင်း ပြောင်းလဲသွားခြင်း။ ဓမ္မတာလာခြင်းရပ်ဆိုင်းသွားသောအခါ သွေးဆုံးခြင်းဖြစ်ပွားသည်။

ရောဂါလက္ခဏာများ

ကူးစက်ခံရပါက အောက်ဖော်ပြပါလက္ခဏာများထဲမှတချို့ (သို့) အားလုံး ခံစားရနိုင်ပါသည်။

  • ဆီးသွားသောအခါ နာကျင်ခြင်း (သို့) စူးခနဲနာကျင်ခြင်း၊ ဆီးအများအပြားသွားရန် ဆန္ဒရှိသော်လည်း အမှန်တကယ်ဆီးသွားသောအခါ ဆီးသိပ်မထွက်ခြင်း၊
  • ဗိုက်အောက်ပိုင်းမှ ဖိအားများ၊
  • ဆီးနံ့ဆိုးရွားစွာနံခြင်း (သို့) နို့ကဲ့သို့ တိမ်ကဲ့သို့ (သို့) အနီဆွေးဆွေး အဆင်းသဏ္ဍာန်ရှိခြင်း၊ ဆီးထဲတွင် သွေးပါပါက ဆရာဝန်နှင့် ချက်ချင်းသွားရောက်ဆွေးနွေးပါ။
  • မောပန်းနွမ်းလျခြင်း (သို့) ယိုင်နေခြင်း (သို့) အဖျားရှိခြင်း။

ကုသမှု

UTI ရောဂါတွေကို ပဋိဇီဝဆေးဝါးတွေ၊ ကူးစက်စေသော ဘတ်တီးရီးယားများအား သတ်သည့်ဆေးဝါးတွေနဲ့ ကုသနိုင်ပါတယ်။ ဆေးဘယ်လောက်ကြာကြာသောက်သုံးရမလဲဆိုတာ ဆရာဝန်ညွှန်ကြားပါလိမ့်မယ်။ သက်သာလာရင်တောင်မှ ဆေးအကုန်သေချာသောက်ပါ။ အမျိုးသမီးအများစုကတော့ တစ်ရက်၊နှစ်ရက်အတွင်း သက်သာလာတတ်ကြပါတယ်။ ပဋိဇီဝဆေးဝါးတွေမှီဝဲနေရတာကြောင့် ရေအများအပြားသောက်ပြီး ရေဓာတ်ဖြည့်ပါ။
ကာကွယ်ခြင်း

ဆီးလမ်ကြောင်းပိုးဝင်မှုမဖြစ်အောင် အောက်ဖော်ပြပါ ရိုးရှင်းတဲ့နည်းလမ်းလေးတွေကို လိုက်ပါလုပ်ဆောင်ကြည့်ပါ။

  • ရေဆာသောအခါ ရေသောက်ပါ။
  • ဆီးသွားချင်စိတ်ဖြစ်လာလျှင် ချက်ချင်းဆီးသွားပါ။ မအောင့်ထားပါနဲ့။
  • မိန်းမအင်္ဂါဇာတ်အား သန့်ရှင်းပြီး ခြောက်သွေ့အောင် ထားပါ။
  • လိင်မဆက်ဆံမီနှင့် လိင်ဆက်ဆံပြီးပြီးချင်း ဆီးသွားပါ။
  • လိင်ဆက်ဆံနေစဉ်အတွင်း UTI ဖြစ်ပွားလာအောင် အစပျိုးသည့် အနေအထားပုံစံများကို ရှောင်ရှားပါ။
  • ယောနိလမ်းကြောင်းအတိုင်းလိင်ဆက်ဆံနေစဉ်အတွင်း ရာဘာစေး (သို့) အမျိုးသမီးသုံးကွန်ဒုံးများအား အသုံးပြုပါ။

UTI ဖြစ်ပွားနေမှုကို ခံစားသိရှိပါက ကူးစက်ရခြင်းအကြောင်းအရင်းများ ရှိပါသလားလို့ သင့်ကျန်းမာရေးတိုင်ပင်ဆောင်ရွက်ပေးသူအား မေးမြန်းဆွေးနွေးချင်ပါလိမ့်မည်။ ကူးစက်ခြင်းပြန်လည်မဖြစ်ပွားလာစေရန် သင့်ကျန်းမာရေးတိုင်ပင်ဆောင်ရွက်ပေးသူမှ ပဋိဇီဝဆေးဝါးများ သောက်သုံးခိုင်းပါလိမ့်မည်။

အရင်းအမြစ် :
http://www.womenshealth.gov/publications/our-publications/fact-sheet/endometriosis.html
http://www.womenshealth.gov/publications/our-publications/fact-sheet/uterine-fibroids.html
https://www.plannedparenthood.org/learn/stds-hiv-safer-sex/pelvic-inflammatory-disease-pid?_ga=1.49116910.977518502.1452055423

နေရာလွဲမှား သားအိမ်အမြှေးပါး ရောဂါ

Endometriosis ရောဂါဆိုတာက အမျိုးသမီးတွေကိုယ်ဝန်ရှိနေစဉ်ကာလအတွင်းမှာ ကလေးငယ်ရှင်သန်ကြီးထွားရာနေရာဖြစ်တဲ့ သားအိမ်အပေါ်သက်ရောက်မှုရှိတဲ့ ယေဘူယျကျန်းမာရေးပြသနာတစ်ရပ်ပါ။ Endometrium လို့ခေါ်တဲ့ သားအိမ်ကိုအနားသတ်ပေးထားတဲ့တစ်သျှူးတွေ သားအိမ်မဟုတ်တဲ့ တခြားတစ်နေရာမှာ သွားဖွံဖြိုးတဲ့အခါ Endometriosis ရောဂါဖြစ်ပွားလာတတ်ပါတယ်။ ဒီတစ်သျှူးတွေဟာ သားဥအိမ်တွေ၊ သားအိမ်အနောက်ဖက်တွေနဲ့ အူမကြီး (ဒါမှမဟုတ်) ဆီးအိမ်အပေါ်ဖက်တွေမှာ ကြီးထွားဖွံဖြိုးလာတတ်ပါတယ်။ ခန္ဓာကိုယ်တခြားအစိတ်အပိုင်းတွေမှာလည်း ဖြစ်တောင့်ဖြစ်ခဲကြီးထွားဖွံဖြိုးလာတတ်ပါတယ်။

ရောဂါလက္ခဏာများ

Endoetriosis ရောဂါရဲ့ ယေဘူယျရောဂါလက္ခဏာကတော့ နာကျင်တာပါဘဲ။ Endometriosis ရောဂါခံစားနေရတဲ့အမျိုးသမီးတွေဟာ အောက်မှာဖော်ပြထားသလိုမျိုး နာကျင်မှုမျိုးစုံ ခံစားရတတ်ပါတယ်။

  • အလွန်နာကျင်တဲ့ ဓမ္မတာလာချိန် နာကျင်ကိုက်ခဲမှုများ။ နာကျင်ကိုက်ခဲမှုဟာ အချိန်ကြာလာတာနဲ့အမျှ ပိုဆိုးလာတတ်ပါတယ်
  • နောက်ကျောဖက်နဲ့ တင်ပါးဆုံရိုးများ နာတာရှည်နာကျင်ကိုက်ခဲခြင်း၊
  • လိင်ဆက်ဆံနေစဉ်အချိန်အတွင်းနဲ့ လိင်ဆက်ဆံအပြီးမှာ နာကျင်ကိုက်ခဲခြင်း။ ဒါကို အသည်းခိုက်အောင်နာကျင်မှုလို့ ညွှန်းဆိုလေ့ရှိပြီး ဒီနာကျင်မှုဟာ ယောနိလမ်းကြောင်းအ၀ကနေ ယောကျာ်းအင်္ဂါစတင်ထိုးသွင်းချိန်မှာ ခံစားရတဲ့နာကျင်မှုနဲ့ မတူညီပါဘူး။
  • အူအတွင်းနာကျင်ကိုက်ခဲခြင်း
  • လှုပ်လိုက်တိုင်းနာကျင်တဲ့ အူမကြီးလှုပ်ရှားမှုတွေ (ဒါမှမဟုတ်) ဓမ္မတာလာချိန်အတွင်း ဆီးသွားစဉ် နာကျင်ခြင်းများ။ ဖြစ်တောင့်ဖြစ်ခဲတချို့အခြေအနေတွေမှာဆိုရင် သင့်ဆီး (ဒါမှမဟုတ်) ၀မ်းထဲမှာ သွေးစလေးတွေ ပါလာတတ်ပါတယ်။
  • ဓမ္မလာမလာမီ ကြားကာလတွေမှာ အစက်အပြောက်ထွက်ခြင်း (ဒါမှမဟုတ်) သွေးဆင်းခြင်း။ ဓမ္မတာမလာမီကြားကာလတွေမှာ သွေးဆင်းတယ် (ဒါမှမဟုတ်) အစက်အပြောက်ထွက်တယ်ဆိုရင် Endometriosis ရောဂါအပြင် တခြားရောဂါတစ်ခုခုဖြစ်နေတာလည်း ဖြစ်နိုင်ပါတယ်။ ဒါပေမယ့် ဒီလိုခဏခဏဖြစ်နေတယ်ဆိုရင်တော့ ဆရာဝန်နဲ့ပြသသင့်ပါတယ်။
  • အစာအိမ် (အစာခြေခြင်း) ပြသနာရပ်များ။ ဒီပြသနာရပ်တွေထဲမှာ အထူးသဖြင့် ဓမ္မတာလာချိန်အတွင်း ၀မ်းသွားတာ၊ ၀မ်းချုပ်တာ၊ ဖောရောင်တာ (ဒါမှမဟုတ်) မအီမသာ မူးဝေအော့အန်တာတွေ ပါဝင်ပါတယ်။
  • မျိုးမပွားနိုင်ခြင်း (သို့မဟုတ်) ကိုယ်ဝန်မရနိုင်ခြင်း။

ကုသမှု

Endometriosis ရောဂါအတွက် ဆေးမရှိပါဘူး။ ဒါပေမယ့် ရောဂါလက္ခဏာတွေနဲ့ ဖြစ်ပွားလာတဲ့ ပြသနာတွေအတွက်တော့ ကုသနည်းရှိပါတယ်။ ကုသဖို့အတွက် သင့်ရဲ့ရွှေးချယ်မှုကို ဆရာဝန်ထံ ပြောပြပါ။ တကယ်လို့ သင်ကကိုယ်ဝန်ရဖို့မကြိုးစားဘူးဆိုရင် ယေဘူယျအားဖြင့်တော့ ဟော်မုန်းဆိုင်ရာ သန္ဓေတားခြင်းက ကုသမှုရဲ့ပထမအဆင့်ပါဘဲ။ ဒီကုသမှုမှာ

  • သန္ဓေတားခြင်းက ဓမ္မတာလာချိန်ကို တားဆီးခြင်း (ဒါမှမဟုတ်) ရက်တိုတောင်းစေခြင်းတွေ လုပ်ဆောင်ပေးပါတယ်။
  • သားဆက်ခြားသောက်ဆေး၊ သားဆက်ခြားထိုးဆေးတွေနဲ့ သားဆက်ခြားကိရိယာထည့်သွင်းခြင်းလိုမျိုး ဟော်မုန်းဆိုင်ရာ သန္ဓေတားနည်းတွေက နာကျင်ကိုက်ခဲမှုတွေနဲ့ ရာသီသွေးဆင်းခြင်းတွေကို လျော့နည်းစေတတ်ပါတယ်။
  • ဟော်မုန်းဆိုင်ရာ သန္ဓေတားနည်းက အလွန်အမင်းနာကျင်တာတို့ ပြင်းထန်တဲ့ရောဂါလက္ခဏာတို့ မခံစားရတဲ့အမျိုးသမီးတွေအတွက် အကောင်းဆုံးပါဘဲ။

တကယ်လို့ သင်က ကိုယ်ဝန်ရဖို့ကြိုးစားနေတယ်ဆိုရင်တော့ ဆရာဝန်က Gonadotropin ထွက်ရှိစေတဲ့ ဟော်မုန်း (GnRH) Agonist ကြွက်သားဆိုင်ရာဆေး ညွှန်းပါလိမ့်မယ်။ ဒီဆေးက ခန္ဓာကိုယ်ကနေ သားဥကြွေတာတွေ၊ ဓမ္မတာစက်ဝန်းတွေနဲ့ Endometriosis ရောဂါတွေပိုဆိုးမလာအောင် ရပ်ပစ်ပါတယ်။ ဒီကုသမှုဟာ ယာယီသွေးဆုံးကိုင်ခြင်းကို ဖြစ်စေပေမယ့် Endometriosis ရောဂါပိုမဆိုးလာအောင် ထိန်းထားနိုင်ပါတယ်။ ဆေးသောက်တာရပ်လိုက်တာနဲ့တစ်ပြိုင်နက် ဓမ္မတာပြန်ဆင်းပြီး ကိုယ်ဝန်ရနိုင်ချေပိုများလာတတ်ပါတယ်။

ဟော်မုန်းဆိုင်ရာကုသမှုတွေက သက်သာရာမရစေဘူးဆိုရင် (ဒါမှမဟုတ်) မျိုးအောင်ခြင်းဆိုင်ရာ ပြသနာတွေရှိစေတယ်ဆိုရင် ပြင်းထန်တဲ့Endometriosis ရောဂါခံစားနေတဲ့ အမျိုးသမီးတွေဟာ ခွဲစိတ်ကုသလို့ရပါတယ်။ ခွဲစိတ်နေစဉ်အတွင်းမှာ ခွဲစိတ်ဆရာဝန်ဟာ Endometriosis ရောဂါဖြစ်ပွားနေတဲ့နေရာကိုရှာပြီး ဒီရောဂါဖြစ်နေတဲ့နေရာတ၀ိုက်ကို ဖယ်ရှားလိုက်ပါလိမ့်မယ်။ သင်က ကိုယ်ဝန်ဆောင်ဖို့မကြိုးစားဘူးဆိုရင် ခွဲစိတ်ပြီးတဲ့အခါ ဟော်မုန်းကုသမှုတွေ ရံဖန်ရံခါပြန်လည်စတင်ရပါလိမ့်မယ်။

သားအိမ်အလုံးများ

သားအိမ်လုံးတွေဟာ ကလေးမွေးတဲ့ထားတဲ့အမျိုးသမီးတွေမှာ အများဆုံးဖြစ်ပွားတတ်တဲ့ ကင်ဆာမဟုတ်တဲ့ အဖုလုံးတွေ ဘဲဖြစ်ပါတယ်။ ဒီအလုံးတွေဟာ သားအိမ်နံရံအတွင်းနဲ့ သားအိမ်နံရံတစ်ဝိုက်မှာ ကြီးထွားဖွံဖြိုးနေတတ်ပြီး ကြွက်သားဆဲလ်တွေ အခြားတစ်သျှူးတွေနဲ့ ဖြစ်တည်နေတဲ့ အရာတွေဘဲဖြစ်ပါတယ်။ ဒီအလုံးတွေဟာ သားအိမ်ထဲမှာ တစ်လုံးတည်းဖွံဖြိုးနေတတ်သလို အများအပြားလည်း ရှိနေတတ်ပါတယ်။ သူတို့တွေဟာ ပန်းသီးအစေ့လောက် သေးငယ်တတ်သလို ဂရိတ်ဖရုသီးလောက်လည်း ကြီးမားတတ်ပါတယ်။ ပုံမှန်မဟုတ်တဲ့ဖြစ်ရပ်တွေမှာဆိုရင် သူတို့ဟာ အလွန်ကြီးလာတတ်ပါတယ်။ အလုံးတွေဖြစ်ပွားလာမှုကို မသိရှိနိုင်ပါဘူး။ အ၀လွန်လာတာ အလွန်ဝဖိုင့်လာတာတွေဟာ သားအိမ်အလုံးတွေရဲ့ ဘေးထွက်ဆိုးကျိုးတွေ ဖြစ်ပါတယ်။

အသက်(၅၀)ရောက်ရင် အမျိုးသမီး (၂၀)ရာခိုင်နှုန်းကနေ (၈၀)ရာခိုင်နှုန်းဟာ ဒီအလုံးတွေ ထွက်လာတတ်ပါတယ်။ အမျိုးသမီးတွေရဲ့အသက်(၄၀)ကျော် (၅၀)အစောပိုင်းကာလတွေမှာ ဒီအလုံးတွေအများဆုံး ထွက်လာတတ်ပါတယ်။ အကျိတ်အများစုဟာ ဘာရောဂါလက္ခဏာမှမပြတတ်ပေမယ့် ဒီအလုံးတွေရှိနေတဲ့အမျိုးသမီးတချို့မှာတော့ အောက်ဖော်ပြပါအတိုင်း ခံစားရတတ်ပါတယ်။

  • ရာသီသွေးများပြားခြင်း (သွေးအားနည်းရောဂါဖြစ်ပွားသည်အထိ ရာသီသွေးများပြားတတ်ပါတယ်) (ဒါမှမဟုတ်) ဓမ္မတာလာချိန်အတွင်း နာကျင်ကိုက်ခဲခြင်း၊

–    တင်ပါးဆုံရိုးနေရာ (အစာအိမ်အောက်ပိုင်းနေရာ) မှာ ပြည့်တင်းနေသလို ခံစားရခြင်း၊

–    ၀မ်းဗိုက်အောက်ပိုင်း ကြီးမားလာခြင်း၊

–    မကြာခဏဆီးသွားခြင်း၊

–    လိင်ဆက်ဆံစဉ် နာကျင်ခြင်း၊

–    အောက်ပိုင်းနောက်ကျောဖက် နာကျင်ခြင်း၊

–    ကိုယ်ဝန်ဆောင်ချိန်နဲ့ ကလေးခွဲစိတ်မွေးဖွားခြင်းထက် (၆)ဆ အန္တရာယ်ပိုများတဲ့ ရင်သွေးမွေးဖွားစဉ်ကာလတွေမှာ ရောဂါသစ်ထပ်တိုးလာခြင်း

–    အလွန်ဖြစ်ခဲတဲ့ မျိုးမအောင်ခြင်းလိုမျိုး မျိုးပွားခြင်းဆိုင်ရာ ပြသနာရပ်များ

 

  • ကုသမှု

သင့်မှာအလုံးတွေထွက်နေပေမယ့် ဘာရောဂါလက္ခဏာမှမပြဘူးဆိုရင် ကုသမှုခံယူစရာမလိုအပ်ပါဘူး။ ဆရာဝန်က သင်ပုံမှန်ပြသ၊စစ်ဆေးခံနေစဉ်အတွင်း ဒီအလုံးတွေပိုကြီးလာလားဆိုတာ စစ်ဆေးပါလိမ့်မယ်။ အလုံးတွေထွက်နေပြီး ရောဂါလက္ခဏာအပြင်းစားမရှိသေးဘူးဆိုရင် လျော့ပါးနေသေးတဲ့နာကျင်မှုတွေကို ထိန်းချုပ်ဖို့သုံးတဲ့ တန်ပြန်ဆေးဝါးကုသမှုကို ဆရာဝန်က အကြံပေးပါလိမ့်မယ်။ ဒီအလုံးဆိုင်ရာရောဂါလက္ခဏာတွေကို ထိန်းချုပ်ဖို့အတွက် သန္ဓေတားဖို့သုံးတဲ့ဆေးဝါးအများအပြားကိုလည်း ဆေးအညွှန်းပေးနိုင်ပါတယ်။

ဟိုမုန်း ပမာဏနည်းသော သန္ဓေတားဆေးတွေက အလုံးတွေကြီးမလာအောင်နဲ့ ရာသီသွေးမများပြားလာအောင် ထိန်းချုပ်ပေးနိုင်ပါတယ်။ အလုံးတွေက တော်တန်ရုံ (ဒါမှမဟုတ်) ပြင်းပြင်းထန်ထန်နာကျင်တယ်ဆိုရင် ခွဲစိတ်တာက သူတို့ကို ကုသဖို့ အကောင်းဆုံးနည်းလမ်းဖြစ်မှာပါ။ ဆရာဝန်က သင့်အတွက်အကောင်းဆုံးဖြစ်စေမယ့် ရွှေးစရာနည်းလမ်းတွေကို ပြောပြပါလိမ့်မယ်။

သားဥအိမ်တွင် အရည်ကြည်အိတ်တည်သောရောဂါ

အမျိုးသမီးများ၏သားဥအိမ်များ (သို့) အယ်ဒီနယ် ဂလင်းတစ်စုံမှ ကျားဟော်မုန်းများကို ပုံမှန်ထက်ထုတ်လုပ်သည့်အခါ PCOS ရောဂါဖြစ်ပွားသည်။ နောက်ဆက်တွဲအနေဖြင့် သားဥအိမ်ပေါ်တွင် အရည်ကြည်အိတ် (အရည်အပြည့်ရှိနေသောအိတ်များ) ဖြစ်လာတတ်သည်။ အ၀လွန်သောအမျိုးသမီးများသည် အရည်ကြည်အိတ်များအပြားဖြစ်တည်နေသော သားဥအိမ်ရောဂါ ပိုမိုဖြစ်ပွားနိုင်ချေရှိသည်။

 

ရောဂါလက္ခဏာများ

  • မျိုးမအောင်ခြင်း
  • တင်ပါးဆုံရိုးနာကျင်ခြင်း
  • မျက်နှာ၊ ရင်ဘတ်၊ အစာအိမ်၊ လက်ချောင်းများ (သို့) ခြေချောင်းများပေါ်တွင် အမွေးထူလာခြင်း
  • အမွေးပြောင်လာခြင်း (သို့) အမွေးပါးလာခြင်း
  • ၀က်ခြံထွက်လာခြင်း၊ အသားအရေအဆီပြန်ခြင်း (သို့) ဗောက်ထခြင်း
  • အညိုရင့်ရောင်အကွက်ထူထူများ ဖြစ်လာခြင်း (သို့) အသားမည်းလာခြင်း

PCOS ရောဂါရှိတဲ့အမျိုးသမီးတွေဟာ ဆီးချိုရောဂါ၊ နှလုံးသွေးကြောဆိုင်ရာရောဂါများဖြစ်ပွားစေနိုင်သော အခြေအနေရှိသည့် ရောဂါ၊ နှလုံးရောဂါနဲ့ သွေးတိုးရောဂါများ ဖြစ်ပွားနိုင်ချေ ပိုများပါတယ်။ ရောဂါလက္ခဏာတွေကို ဆေးဝါးတွေနဲ့ ထိန်းထားလို့ရပါတယ်။ သန္ဓေတားဆေးတွေဟာ အမျိုးသမီးတွေ ပုံမှန်ဓမ္မတာလာချိန်အတိုင်းဖြစ်အောင်၊ ကျားဟော်မုန်းအဆင့် လျော့သွားအောင်နဲ့ ၀က်ခြံတွေပျောက်သွားအောင် လုပ်ဆောင်ပေးနိုင်ပါတယ်။ အခြားဆေးဝါးတွေကတော့ အမွေးပေါက်ခြင်းကို လျော့နည်းစေပြီး သွေးဖိအားနဲ့ ကိုလက်စထရောကို ထိန်းညှိပေးပါတယ်။ ဒါပေမယ့် ပျောက်ကင်းအောင်ကုသဖို့ နည်းလမ်းတော့ မရှိပါဘူး။ တကယ်လို့ သင့်မှာ POCS ရှိနေတယ်လို့ထင်ရင် သင်ရွှေးချယ်နိုင်မယ့်နည်းလမ်းတွေအကြောင်းကို သင့်ကျန်မာရေးတိုင်ပင်ဆောင်ရွက်ပေးသူနဲ့ ပြောဆိုဆွေးနွေးကြည့်ပါ။

Close

ကျန်းမာတဲ့မွေးလမ်းကြောင်းဆိုတာ ဘာကိုဆိုလိုတာပါလဲ။။

မွေးလမ်းကြောင်းဆိုတာ အမျိုးသမီးလိင်အင်္ဂါနယ်နိမိတ်ရဲ့အပြင်ဖက်အပိုင်းကနေ သားအိမ်လည်တံ (သားအိမ်ခေါင်း)အထိ လိင်အင်္ဂါကနေ တစ်ဆက်တည်းရှည်ထွက်လာတဲ့ အပိတ်ကြွက်သားပြွန်လမ်းကြောင်း ဖြစ်ပါတယ်။ မွေးလမ်းကြောင်းကျန်းမာရေးဟာ အမျိုးသမီးတွေရဲ့အလုံးစုံကျန်းမာရေးမှာ အရေးကြီးတဲ့ အခန်းကဏ္ဍတစ်ရပ်ကနေ ပါဝင်နေပါတယ်။ မွေးလမ်းကြောင်းပြသနာတွေဟာ မျိုးအောင်နိုင်စွမ်း၊ လိင်ဆက်ဆံလိုစိတ်နဲ့ စပ်ယှက်မှုပြီးမြောက်နိုင်စွမ်းတွေအပေါ် သက်ရောက်မှုရှိနိုင်ပါတယ်။

လက်ရှိဖြစ်ပွားနေတဲ့ မွေးလမ်းကြောင်းဆိုင်ရာကျန်းမာရေးကိစ္စရပ်တွေဟာ စိတ်ဖိစီးမှု (ဒါမှမဟုတ်) ဆက်ဆံရေးဆိုင်ရာပြသနာတွေဖြစ်ပွားစေတတ်ပြီး မိမိကိုယ်ကိုယုံကြည်မှုကိုပါ ထိခိုက်စေတတ်ပါတယ်။ မွေးလမ်းကြောင်းဆိုင်ရာပြသနာရပ်တွေရဲ့ ရောဂါလက္ခဏာတွေနဲ့ မွေးလမ်းကြောင်းကျန်းမာရေးကို ကာကွယ်ဖို့လုပ်ဆောင်ရမယ့်အရာတွေကို သိရှိထားသင့်ပါသည်။ အောက်ဖော်ပြပါအကြောင်းအရာများအပါအ၀င် အမျိုးစုံသောအကြောင်းတရားတွေက သင့်ရဲ့မွေးလမ်းကြောင်းကျန်းမာရေးကို ထိခိုက်စေနိုင်ပါတယ်။

  • လိင်ဆက်ဆံခြင်း။

အကာအကွယ်မဲ့လိင်ဆက်ဆံခြင်းကြောင့် လိင်ဆက်ဆံရာမှတစ်ဆင့်ကူးစက်တတ်တဲ့ ကူးစက်ရောဂါ (STI)တွေ ဖြစ်ပွားလာနိုင်ပါတယ်။ အားပါတဲ့လိင်ဆံမှု (ဒါမှမဟုတ်) တင်ပါးဆုံရိုးနေရာမှာ ထိခိုက်အနာတရဖြစ်ပွားခြင်းကြောင့် မွေးလမ်းကြောင်းမှာ ထိခိုက်ဒဏ်ရာ (ဒါမှမဟုတ်) အပေါက်လေးတွေ ဖြစ်လာနိုင်ပါတယ်။

  • ကျန်းမာရေးအခြေအနေနှင့် ကုသမှုနည်းလမ်းများ။

Endometriosis ရောဂါနဲ့ တင်ပါးဆုံရိုးရောင်ရမ်းခြင်း ရောဂါတွေလိုမျိုး အခြေအနေတွေကြောင့် လိင်ဆက်ဆံချိန်မှာနာကျင်မှုခံစားရနိုင်ပါတယ်။

  • တစ်ချို့သောပဋိဇီဝဆေးဝါးတွေသောက်သုံးခြင်းကလည်း မှိုတစ်မျိုးကြောင့်ဖြစ်ပွားသော မွေးလမ်းကြောင်းရောဂါ ဖြစ်ပွားနိုင်ချေ မြင့်မားလာနိုင်ပါတယ်။
  • သန္ဓေတားဆေးဝါးပစ္စည်းများနှင့် အမျိုးသမီးတစ်ကိုယ်ရည်သန့်စင်ပစ္စည်များ။

ကွန်ဒုံးလိုမျိုး အဟန့်အတားသန္ဓေတားနည်းတွေကြောင့် မွေးလမ်းကြောင်း စပ်ဖျဉ်းဖျဉ်းဖြစ်တတ်ပါတယ်။ အမျိုးသမီးတစ်ကိုယ်ရည်သန့်စင်တဲ့ပစ္စည်းတွေကြောင့် မျိုးပွားအင်္ဂါရဲ့ pH အဆင့် မညီမမျှဖြစ်လာပြီး ကူးစက်ရောဂါတွေ ပိုမိုကူးစက်ဖြစ်ပွားလွယ်စေတတ်ပါတယ်။

  • ကိုယ်ဝန်ဆောင်ခြင်းနှင့် မီးဖွားခြင်း။

သင်ကိုယ်ဝန်ဆောင်ထားရပြီဆိုရင် ရင်သွေးကို မီးဖွားပြီးအချိန်အထိ ဓမ္မတာဆင်းတော့မှာမဟုတ်ပါဘူး။ ကိုယ်ဝန်ဆောင်နေစဉ်အတွင်းမှာ မွေးလမ်းကြောင်းကနေအရည်တွေ မကြာခဏထွက်တတ်ပါတယ်။ မီးဖွားနေစဉ်အတွင်းမှာ မွေးလမ်းကြောင်းအပေါက်ဖြစ်လာတတ်ပါတယ်။ မွေးလမ်းကြောင်းအတိုင်းမီးဖွားခြင်းကြောင့် မွေးလမ်းကြောင်းမှာရှိတဲ့ ကြွက်သားတွေဟာ လျော့ရဲသွားနိုင်ပါတယ်။

  • စိတ်ပိုင်းဆိုင်ရာကိစ္စရပ်များ။

စိုးရိမ်သောကတွေနဲ့ စိတ်ကျခြင်းတွေကြောင့် ရာဂစိတ်ဖြစ်ပေါ်တဲ့အဆင့် အရမ်းနိမ့်သွားပြီး လိင်ဆက်ဆံရာမှာ သက်တောင့်သက်သာမဖြစ်တာ (ဒါမှမဟုတ်) နာကျင်တာတွေ ခံစားရနိုင်ပါတယ်။ လိင်ပိုင်းဆိုင်ရာအကြမ်းဖက်ခံရမှုနဲ့ နာကျင်ခံစားရတဲ့ လိင်ပိုင်းဆိုင်ရာ ကနဦးအတွေ့အကြုံတွေလိုမျိုး စိတ်ဒဏ်ရာတွေကြောင့် လိင်ဆက်ဆံရာမှာ နာကျင်ခံစားရတာတွေ ဖြစ်လာတတ်ပါတယ်။

  • ဟော်မုန်းအဆင့်

ဟော်မုန်းအဆင့်အပြောင်းအလဲတွေဟာ မွေးလမ်းကြောင်းအပေါ် သက်ရောက်မှုရှိပါတယ်။ ဥပမာအားဖြင့်တော့ မီးယပ်သွေးဆုံးကိုင်ပြီးချိန်နဲ့ ရင်သွေးငယ်ကိုနို့တိုက်ကျွေးပြီးနောက်ပိုင်းမှာ Estrogen ဟော်မုန်းထွက်ရှိမှုလျော့ကျသွားတတ်သလိုမျိုးပေါ့။ Estrogen လျော့ကျလာတာကြောင့်  သားအိမ်တွင်း အမြှေးပါးတွေ ပါးလာတတ်ပြီး လိင်ဆက်ဆံချိန်မှာ နာကျင်ခံစားရတတ်ပါတယ်။

ယောနိလမ်းကြောင်းမှပုံမှန်ထွက်ရှိသည့်အရည်များ

တံတွေးတွေ ခံတွင်းတစ်ဝိုက်မှာ သန့်ရှင်းပေးပြီး ထိန်းညှိလုပ်ဆောင်ပေးသလိုမျိုးဘဲ ကျန်းမာတဲ့သားအိမ်ကလည်း သူ့နေရာတစ်ဝိုက်ကို သူ့ဘာသာသန့်ရှင်းနေစေပြီး ထိန်းညှိပေးဖို့အတွက် အရည်တစ်မျိုးထုတ်လုပ်ပါတယ်။ ဒီလိုအရည်တွေက ယောနိလမ်းကြောင်းကနေ ထွက်ရှိတဲ့ ပုံမှန်အရည်ဖြစ်ပါတယ်။ ယောနိလမ်းကြောင်းကနေ ထွက်ရှိတဲ့အရည်တွေရဲ့ ထိခိုက်လွယ်တဲ့ချိန်ကိုက်ညီမျှအပေါ် တစ်စုံတစ်ရာအနှောင့်အယှက်ရှိလာရင် ယောနိလမ်းကြောင်းအတိုင်း ကူးစက်ရောဂါတွေ ကူးစက်ဖြစ်ပွားဖို့ ပိုမိုလွယ်ကူတတ်ပါတယ်။

ပုံမှန်ထွက်ရှိတဲ့ ယောနိလမ်းကြောင်းအရည်တွေက ယောနိသန့်ရှင်းစေဖို့နဲ့ စိုစွတ်နေစေဖို့၊ ကူးစက်ရောဂါတွေကနေ တားဆီးကာကွယ်ဖို့၊ တွန်းလှန်ဖို့အတွက် ရည်ရွယ်တာဖြစ်ပါတယ်။ အမျိုးသမီးတစ်ဦးရဲ့ဓမ္မတာစက်ဝန်းပေါ်မူတည်ပြီး ယောနိလမ်းကြောင်းအရည်တွေရဲ့ အရောင်၊ အနေအထားနဲ့ ပမာဏကွာခြားနိုင်တတ်တာ ဓမ္မတာဖြစ်ပေမယ့် ဒီအရည်တွေ အပြောင်းအလဲတချို့ဖြစ်နေပါက ပြသနာတစ်ခုခုရှိနေတာကို ပြသနေတာဖြစ်နိုင်ပါတယ်။

ပုံမှန်ထွက်ရှိတဲ့ယောနိလမ်းကြောင်းအရည်တွေနဲ့ ပုံမှန်မဟုတ်တဲ့အရည်တွေရဲ့ ကွာခြားမှုကို သိရှိနေပါက သင့်အတွက် အကူအညီဖြစ်စေမှာပါ။ ပုံမှန်ထွက်ရှိတဲ့အရည်တွေက အရည်ကြဲပြီး စေးကပ်ကပ်ဖြစ်ကာ ဆွဲဆန့်နိုင်ပါတယ် (ဒါမှမဟုတ်) ပျစ်နှစ် စေးကပ်နေတတ်ပါတယ်။ ဒါ့အပြင် ဒီအရည်တွေက ကြည်ပြီးအဖြူရောင်ရှိတတ်ပါတယ် (ဒါမှမဟုတ်) လုံးဝကို အဖြူရောင်မရှိတတ်ပါဘူး။

သားအိမ်လမ်းကြောင်းတွင်ဖြစ်ပွားတတ်သော ကူးစက်ရောဂါများ

ယောနိလမ်းကြောင်းအတွင်းဘက်ရီးယားကူးစက်ခြင်း၊ တစေးပေါက်စေသော ကပ်ပါးမှိုကြောင့် ကူးစက်ဖြစ်ပွားသောရောဂါ (မှိုတစ်မျိုးကြောင့်ဖြစ်ပွားသော သားအိမ်လမ်းကြောင်းတွင် ဖြစ်ပွားသည့်ရောဂါ)၊ ကပ်ပါးကောင်ကြောင့်ဖြစ်ပွားသောရောဂါစတဲ့ သားအိမ်လမ်းကြောင်းဆိုင်ရာကူးစက်ရောဂါတွေဟာ လိင်ဆက်ဆံတာကြောင့် (ဒါမှမဟုတ်) လိင်မဆက်ဆံသော်ငြားလည်း သားအိမ်လမ်းကြောင်းကနေ ပုံမှန်မဟုတ်တဲ့ အရည်တွေထွက်ရခြင်းရဲ့ ယေဘူယျအကြောင်းအရင်းတွေဘဲ ဖြစ်ပါတယ်။

ကာလသားရောဂါလိုမျိုး ယောနိလမ်းကြောင်းမှထွက်ရှိတဲ့အရည်တွေကို ပြောင်းလဲတဲ့ ပိုးကူးစက်မှုမျိုးမှာ လိင်ဆက်ဆံရာမှ ကူးစက်ပြန့်ပွားတာဖြစ်ပါတယ်။

သင့်ယောနိလမ်းကြောင်းကနေထွက်ရှိတဲ့အရည်တွေ တစ်ခုခုပြောင်းလဲနေတာသတိထားမိရင် (ဒါမှမဟုတ်) ပြသနာတစ်စုံတစ်ရာရှိနေတယ်လို့ထင်ရင် ဆရာဝန်နဲ့ ချက်ချင်းသွားရောက်ပြသသင့်ပါတယ်။

မှိုတစ်မျိုးကြောင့်ဖြစ်ပွားသော သားအိမ်လမ်းကြောင်းတွင် ဖြစ်ပွားသည့်ရောဂါ

တစေးပေါက်စေတဲ့ ကပ်ပါးမှိုအစုကြောင့် ကူးစက်ဖြစ်ပွားသောရောဂါ (ဒါမှမဟုတ်) မှိုတစ်မျိုးကြောင့်ဖြစ်ပွားသော သားအိမ်လမ်းကြောင်းမှာ ဖြစ်ပွားတဲ့ကူးစက်ရောဂါတွေဟာ ဒိန်ခဲပျော့ပျော့တွေနဲ့တူတဲ့ ဖြူဖွေးပြီးပြစ်နှစ်နေတဲ့အရည်တွေ ထွက်ရှိစေတတ်ပါတယ်။ များသောအားဖြင့် ဒီကူးစက်ရောဂါကြောင့် အနနံ့ပြင်းပြင်းတွေမထွက်တတ်ပေမယ့် ပြင်းထန်တဲ့ယားယံခြင်းနဲ့ ပူစပ်ပူလောင်ဖြစ်ခြင်းတွေကို ဖြစ်ပွားစေတတ်ပါတယ်။

ယောနိလမ်းကြောင်း ဘက်တီးရီးယားကူးစက်ြခင်း (Bacterial Vaginosis)

ယောနိလမ်းကြောင်းအတွင်းဘတ်တီးရီးယားကူးစက်ခြင်းကြောင့်ထွက်တဲ့အရည်တွေက အနံ့ဆိုးရွားပြီး ငါးညှီနံ့လိုအနံ့အသက်ဆိုးတွေ ထွက်လာတတ်ပါတယ်။ အရည်တွေကကြဲပေမယ့် အရောင်က ခပ်မှိုင်းမှိုင်းဖြစ်နေတတ်ပါတယ်။

ကပ်ပါးကောင်ကြောင့်ဖြစ်ပွားသောရောဂါ (Trichomoniasis)

အဖြစ်များတဲ့လိင်ဆက်ဆံခြင်းမှုတစ်ဆင့်ကူးစက်တတ်တဲ့ရောဂါဖြစ်တဲ့ ကပ်ပါးကောင်ကြောင့်ဖြစ်ပွားတဲ့ရောဂါမှ အနံ့ပြင်းပြင်းတွေထွက်လာတတ်ပါတယ်။ ထွက်ရှိတဲ့အရည်တွေက စိမ်းဝါရောင်ဖြစ်ပြီး အမြုပ်တစ်စီစီထနေတတ်ပါတယ်။ များသောအားဖြင့် ဒီရောဂါကြောင့် ဆီးသွားနေစဉ်မှာ ယောနိလမ်းကြောင်းယားယံခြင်းနဲ့နာကျင်ခြင်းတွေ ခံစားရနိုင်ပါတယ်။ ကပ်ပါးကောင်ကြောင့်ဖြစ်ပွားသောရောဂါဆိုင်ရာ နောက်ထပ်အကြောင်းအရာများကို ဤနေရာတွင် ဖတ်ရှုပါ။

ကျန်းမာသန့်ရှင်းတဲ့ မွေးလမ်းကြောင်းဖြစ်စေဖို့ အကြံပြုချက်များ

  • အိမ်သာသုံးပြီးလျှင်မိန်းမကိုယ်အား အရှေ့မှအနောက်သို့ သုတ်သင်သန့်စင်ပေးပါ။ ဒီလိုသန့်စင်တာဟာ စအိုနေရာမှာရှိတဲ့ ဘက်တီးရီးယားတွေ မွေးလမ်းကြောင်းထဲကိုရောက်မသွားစေဖို့ တားဆီးကာကွယ်ပေးပါတယ်။
  • နေ့အချိန်မှာ ချည်သားအောက်ခံဘောာင်းဘီတွေကို ၀တ်ဆင်ပါ။ ချည်သားဘောင်းဘီတွေဟာ မျိုးပွားအင်္ဂါနေရာကို လေ၀င်လေထွက်ကောင်းစေပါတယ်။ ဒါပေမယ့် ညအချိန်မှာတော့ အောက်ခံဘောင်းဘီမ၀တ်ပါနဲ့။
  • ဘောင်းဘီကြပ်ကြပ်တွေ၊ ခြေအိတ်တွေ၊ ရေကူးဝတ်စုံတွေ၊ အားကစားဘောင်းဘီတွေကို အချိန်အကြာကြီး မ၀တ်ထားပါနဲ့။
  • အ၀တ်လျှော်ဆပ်ပြာ (ဒါမှမဟုတ်) ချည်မျှင်တွေ နူးညံ့ပျော့ပြောင်းစေတဲ့အရည်တွေကြောင့် သင့်ရဲ့မျိုးပွားအင်္ဂါနေရာမှာ ကျိန်းစပ်စပ်ဖြစ်နေတယ်လိုထင်ရင် တခြားအ၀တ်လျှော်ဆပ်ပြာ (ဒါမှမဟုတ်) ချည်မျှင်တွေ နူးညံ့ပျော့ပြောင်းစေတဲ့အရည်တစ်မျိုးကို ပြောင်းသုံးပါ။။
  • တစ်ချို့တစ်ချိ့သောအမျိုးသမီးတွေဟာ ကွန်ဒုံးတွေမှာပါတဲ့ရာဘာစေးနဲ့ လိင်ဆက်ဆံတဲ့အချိန်မှာ အသုံးပြုတဲ့ဂျယ်လ်တွေကြောင့် စပ်ဖျဉ်းဖျဉ်းခံစားရတတ်ပါတယ်။ သင့်အတွက်သင့်တော်မည့်အမျိုးအစားကို ရှာဖွေပြီး ရွေးသုံးကြည့်ပါ။
  • နေ့စဉ်ရေချိုးပါ။ အ၀တ်အစားတွေမ၀တ်ဆင်မီ သင့်ရဲ့မျိုးပွားအင်္ဂါနေရာခြောက်သွေ့အောင် ဖွဖွသုတ်ပါ။
  • မွေးလမ်းကြောင်းအတွင်းကို ပြွတ်နဲ့ဆေးကြောခြင်း (ဒါမှမဟုတ်) ဆေးကြောသန့်စင်ခြင်း မပြုပါနှင့်။ ဒီလိုဆေးကြောတာကြောင့် သဘာဝအတိုင်းဖြစ်ပေါ်နေတဲ့ pH ဖြစ်စဉ် အချိုးမညီဖြစ်သွားနိုင်ပါတယ်။
  • အမျိုးသမီးတစ်ကိုယ်ရည်သန့်စင် စပရေးများ/ဆေးရည်များ၊ အရောင်ရှိတဲ့ (ဒါမှမဟုတ်) အနံ့မွှေးတဲ့သန့်စင်ခန်းသုံးစက္ကူ (ဒါမှမဟုတ်) အနံ့မွှေးတဲ့ အမျိုးသမီးလစဉ်သုံးဂွမ်းဖတ် (ဒါမှမဟုတ်) ပျော့ဖတ်တွေကို အသုံးပြုခြင်းမှ ရှောင်ရှားပါ။

Source: http://www.mckinley.illinois.edu/handouts/vaginal_discharge.html

Close

မျိုးဆက်ပွားစနစ်တွေကရှုပ်ထွေးပြီးအမျိုးသမီးအများစုမှာကျန်းမာရေးနဲ့ပတ်သက်ပြီးပြဿနာမရှိရင်ကျန်းမာရေးကောင်းဖို့စစ်ဆေးမှုတွေလုပ်ဆောင်ဖို့အရေးကြီးပါတယ်။အချိူ့ကျန်းမာရေးစစ်ဆေးမှုတွေကအိမ်မှာလုပ်ဖို့ရိုးရှင်းလွယ်ကူပြီးအချို့ကဆရာဝန်ဆီရံဖန်ရံခါသွားရောက်ပြသဖို့လိုပါတယ်။ဒီစစ်ဆေးမှုကနေအမျိုးသမီးကကျန်းမာရေးကောင်းတာကိုသိရှိနိုင်ပြီးတခုခုဖြစ်နေရင်လည်းစောစောစီးစီးရှာဖွေတွေ့ရှိနိုင်ပါတယ်။အကြံပြုထောက်ခံထားတဲ့စမ်းသပ်စစ်ဆေးမှုစာရင်းကိုအောက်မှာကြည့်ပါ။

မိမိဘာသာ ရင်သားစမ်းသပ်စစ်ဆေးမှု

အမျိုးသမီးတွေအတွက်သူတို့ရင်သားကျန်းမာရေးကိုအမြဲစောင့်ကြည့်ဖို့အရေးကြီးပါတယ်။ရင်သားကင်ဆာကအမျိုးသမီးတွေမှာ သေဆုံးမှုအများဆုံးတွေထဲက တခုဖြစ်ပြီးစောစော စီးစီးသိရင်လွယ်လွယ်ကူကူ တွေ့ရှိပြီးကုသနိုင်ပါတယ်။ တလတကြိမ် အမျိုးသမီးတွေကရေမချိုးခင်၊ရေချိုးပြီးချိန်နဲ့ အခြားအချိန်မှာ လွယ်လွယ်ကူကူလုပ်နိုင်တဲ့ မိမိဘာသာရင်သား စမ်းသပ်စစ်ဆေးမှု ကိုပြုလုပ်သင့်ပါတယ်။

ဒီစမ်းသပ်စစ်ဆေးမှုအတွက်အဆင့် ၃ ဆင့်ရှိပါတယ်။

၁။မတ်တပ်ရပ်နေတဲ့အခါရင်သားတဝိုက်မှာအဖု၊အခဲ၊မာနေတာတွေ(သို့မဟုတ်)အခြားပြောင်းလဲမှုတွေအတွက်ရင်သားကိုလက်ချောင်းတွေနဲ့ထိတွေ့ကိုင်တွယ်ပါ။

၂။မှန်ထဲမှာရင်သားတွေကိုကြည့်ပြီးနို့သီးခေါင်းရောင်နေတာတွေ၊အရောင်ပြောင်းလဲတာတွေကိုရှာဖွေပါ။

၃။လဲလျောင်းပြီးခေါင်းအုံးနဲ့ပုခုံးတွေကိုမြှင့်တင်လိုက်ပြီးခေါင်းအပေါ်ဘက်ကိုလက်မောင်းတဖက်စီမတင်ပြီးအဖု၊အခဲ၊မာနေတဲ့နေရာတွေ၊နို့သီးခေါင်းကနေအရည်တွေထွက်လာလားဆိုတာစစ်ဆေးပါ။

တစ်လတစ်ကြိမ်ဒီစစ်ဆေးမှုကိုလုပ်ခြင်းအားဖြင့်ဘယ်ပြောင်းလဲမှုမျိုးမဆိုလွယ်လွယ်ကူကူသိရှိနိုင်ပြီးပြင်းထန်တဲ့ဘယ်ဖျားနာမှုမျိုးမဆိုလျင်လျင်မြန်မြန်စစ်ဆေးသိရှိနိုင်ပါတယ်။အမျိုးသမီးတယောက်မှာအဖု၊အခဲ(သို့မဟုတ်)မူမမှန်တာမျိုးတွေ့ရင်ရင်သားကိုစမ်းသပ်စစ်ဆေးဖို့ဆရာဝန်ဆီချက်ချင်းသွားရောက်ပြသပါ။

သားအိမ်ခေါင်းစမ်းသပ်စစ်ဆေးမှု

သားအိမ်ခေါင်းစမ်းသပ်စစ်ဆေးမှုဆိုတာသားအိမ်ခေါင်းထဲမှာ၊ပိုးဝင်တာတွေ(သို့မဟုတ်)သားအိမ်ခေါင်းကင်ဆာဖြစ်စေတဲ့ပုံမှန်မဟုတ်တဲ့ဆဲလ်တွေရဲ့လက္ခဏာကိုစစ်ဆေးဖို့ဆရာဝန်(သို့မဟုတ်)သူနာပြုဆရာမတွေလုပ်ပေးတဲ့စစ်ဆေးမှုတခုပါ။

 

ဘာကြောင့်အရေးကြီးတာလဲ

  • ပုံမှန်မဟုတ်တဲ့ဆဲလ်တွေနဲ့ပိုးဝင်တာတွေကိုစစ်ဆေးနိုင်ပါတယ်။
  • သားအိမ်ခေါင်းကင်ဆာကြီးထွားလာတာကိုရပ်တန့်ဖို့ဆဲလ်တွေကိုစောစောစီးစီးကုသခြင်း
  • သားအိမ်ခေါင်းကင်ဆာကိုကာကွယ်ပေးခြင်း

ဘယ်သူတွေကသားအိမ်ခေါင်းစမ်းသပ်စစ်ဆေးမှုကိုရသင့်လဲ

  • လွန်ခဲ့တဲ့၃နှစ်အတွင်းလိင်ပိုင်းဆိုင်ရာတက်ကြွတဲ့အသက်၂၁နှစ်ကနေ၆၉နှစ်ကြားအမျိုးသမီးတွေ(ပါးစပ်ဖြင့်လိင်ဆက်ဆံခြင်း၊ယောနိလမ်းကြောင်းမှလိင်ဆက်ဆံခြင်း၊စအိုဝဖြင့်လိင်ဆက်ဆံခြင်း၊နမ်းခြင်းနဲ့အခြားလိင်ဆက်ဆံမှုဘယ်လိုပုံစံမဆိုပါဝင်ပါတယ်။)
  • လိင်အင်္ဂါကြွက်နို့ကာကွယ်ဆေးထိုးထားတဲ့အမျိုးသမီးတွေလည်းသားအိမ်ခေါင်းစမ်းသပ်စစ်ဆေးမှုလုပ်ဖို့လိုအပ်ပါတယ်။
  • သားအိမ်ဖယ်ထုတ်လိုက်တာကြောင့်သားအိမ်ခေါင်းမရှိတဲ့အမျိုးသမီးတွေ(သို့မဟုတ်)ပုံမှန်မဟုတ်တဲ့သားအိမ်ခေါင်းစစ်ဆေးမှုရလဒ်ရာဇဝင်ကစစ်ဆေးစမ်းသပ်မှုမလိုအပ်ပါဘူး။

စမ်းသပ်စစ်ဆေးမှုဘယ်လိုလုပ်ဆောင်လဲ

သားအိမ်ခေါင်းစမ်းသပ်စစ်ဆေးမှုကရိုးရှင်းပြီးမြန်ဆန်တဲ့လုပ်ငန်းစဉ်ပါ။စမ်းသပ်စစ်ဆေးနေစဉ်အတောအတွင်းကုတင်ပေါ်မှာခါးကနေခြေထောက်ထိအဝတ်အစားမပါပဲလဲလျောင်းရပါမယ်။speculamလို့ခေါ်တဲ့သတ္တုကိရိယာကိုဆရာဝန်ကသင့်မိန်းမကိုယ်ထဲကိုထည့်ပေးပြီးသင့်သားအိမ်ခေါင်းကိုမြင်ရအောင်မိန်းမကိုယ်ကိုအနည်းငယ်ဖွင့်ဖို့ဒီကိရိယာကိုအသုံးပြုပါ။

ဘရက်(ရှ်)အသေး(သို့မဟုတ်)တုတ်ချောင်းအသေးလေးကိုစစ်ဆေးမှုခံယူရန်သားအိမ်ခေါင်းနံရံမှနမူနာဆဲလ်သေးလေးများကိုသုတ်လိမ်းရန်မိန်းမကိုယ်ထဲသို့ထည့်သွင်းပါ။

စိတ်မသက်မသာဖြစ်ပေမဲ့မနာကျင်ပါဘူး။စိတ်သက်သာဖို့ကြိုးစားပါ။

အဲဒီ့နောက်ဆဲလ်တွေကိုဖန်ပြားချပ်ပေါ်တင်ပြီးစမ်းသပ်စစ်ဆေးဖို့ဓါတ်ခွဲခန်းသို့ပို့ပေးပါတယ်။ အဲလောက်ထိ ရိုးရှင်းပါတယ်။

သားအိမ်ခေါင်းစမ်းသပ်စစ်ဆေးမှုကိုဘယ်နှစ်ကြိမ်လောက်လုပ်သင့်လဲ

  • သင်ဟာအသက်၂၁နှစ်နဲ့၂၉နှစ်ကြားမှာရှိရင်၃နှစ်တိုင်းမှာသားအိမ်ခေါင်းစမ်းသပ်စစ်ဆေးမှုလုပ်သင့်ပါတယ်။
  • သင်ဟာအသက်၃ဝနဲ့၆၄ကြားမှာရှိရင်၅နှစ်တိုင်းမှာသားအိမ်ခေါင်းစမ်းသပ်စစ်ဆေးမှုနဲ့လိင်အင်္ဂါကြွက်နို့စမ်းသပ်စစ်ဆေးမှုကိုအတူလုပ်သင့်တာ(သို့မဟုတ်)၃နှစ်တိုင်းမှာသားအိမ်ခေါင်းစမ်းသပ်စစ်ဆေးမှုတခုတည်းလုပ်သင့်ပါတယ်။
  • သင်ကအသက်၆၅နှစ်နဲ့အထက်ဆိုရင်သားအိမ်ခေါင်းစမ်းသပ်စစ်ဆေးမှုကိုရပ်တန့်လို့ရနိုင်မလားဆိုတာဆရာဝန်ကိုမေးမြန်းပါ။

သားအိမ်ခေါင်းစမ်းသပ်စစ်ဆေးမှုအတွက်ဘယ်လိုပြင်ဆင်ရမလဲ

စစ်ဆေးမှုမခံယူခင်၂ရက်မှာမိန်းမကိုယ်သန့်စင်ဆေးရည်၊ခရင်(မ်)၊ဆေးဝါးတွေနဲ့လိင်ဆက်ဆံတာကိုရှောင်ကြဉ်ရပါမယ်။

သားအိမ်ခေါင်းကင်ဆာ ဖြစ်စေသော ဗိုင်းရစ်ပိုး စမ်းသပ်မှု

သားအိမ်ခေါင်း ကင်ဆာဖြစ်စေသော ဗိုင်းရစ်ပိုး ဆိုတာသားအိမ်ခေါင်း၊စအို၊ပါးစပ်နားနဲ့လည်ချောင်းနားမှာကူးစက်နိုင်ပြီးဖြစ်လေ့ရှိတဲ့လိင်ဆက်ဆံရာကတဆင့်ကူးစက်နိုင်တဲ့ရောဂါပိုးတခုဖြစ်ပါတယ်။

လိင်အင်္ဂါကြွက်နို့ပိုးအမျိုးအစား၁ဝဝကျော်ရှိပြီး၎ဝကျော်လောက်ကလိင်ပိုင်းဆိုင်ရာထိတွေ့ခြင်းမှကူးစက်ပျံ့နှံ့ပါတယ်။

သားအိမ်ခေါင်း ကင်ဆာဖြစ်စေသော ဗိုင်းရစ်ပိုး ဘယ်လိုရတာလဲ

  • အရေပြားအသားချင်းထိတွေ့မှု (နမ်းခြင်း၊ လိင်အင်္ဂါထိတွေ့ခြင်း၊ လိင်ပိုင်းဆိုင်ရာလှုံ့ဆော်ပေးတဲ့ အရုပ်တွေကို မျှဝေသုံးခြင်း)
  • မိန်းမကိုယ်မှ လိင်ဆက်ဆံခြင်း၊ ပါးစပ်ဖြင့်လိင်ဆက်ဆံခြင်း၊ စအိုဝဖြင့်လိင်ဆက်ဆံခြင်းမှ ကူးစက်နိုင်ပါတယ်။
  • ရောဂါလက္ခဏာမရှိရင်တော သားအိမ်ခေါင်း ကင်ဆာဖြစ်စေသော ဗိုင်းရစ်ပိုး ကူစက်နိုင်ပါတယ်။ ဆိုလိုတာက ဘာရောဂါလက္ခဏာမှမရှိတဲ့သူဆီကနေ သားအိမ်ခေါင်း ကင်ဆာဖြစ်စေသော ဗိုင်းရစ်ပိုး ရရှိနိုင်ပါတယ်။
  • ကလေးမွေးဖွားနေစဉ်မိခင်မှ ကလေးသို့ ကူးစက်နိုင်ပါတယ်။

သားအိမ်ခေါင်း ကင်ဆာဖြစ်စေသော ဗိုင်းရစ်ပိုးရဲ့အမှတ်အသားရောဂါလက္ခဏာတွေကဘာတွေလဲ

အချို့လူတွေကလိင်အင်္ဂါကြွက်နို့ (လိင်အင်္ဂါအနီးတဝိုက်မှာ အသားရောင်လို အဖုလေးတွေ) ခံစားရပြီး မနာပေမဲ့ ယားယံပြီးစိတ်အနှောင့်အယှက် ဖြစ်စေပါတယ်။ လိင်အင်္ဂါကြွက်နို့ရှိတဲ့ လိင်အင်္ဂါကြွက်နို့အမျိုးအစားက ကင်ဆာမဖြစ်စေပါဘူး။

သားအိမ်ခေါင်းကင်ဆာဖြစ်စေတဲ့ လိင်အင်္ဂါကြွက်နို့ပိုး အခြားအမျိုးအစားကရောဂါလက္ခဏာတောင်မပြပေမဲ့က င်ဆာဆက်ဖွံ့ဖြိုးလာဖို့ နှစ်ပေါင်းများစွာ ကြာပါတယ်။ ဒါကြောင့်အသက်၂ နှစ်ပြည့်ပြီးတာနဲ့ အမျိုးသမီးတွေအတွက် မှန်ကန်တဲ့ကုသမှုနဲ့ သားအိမ်ခေါင်းကင်ဆာကို ကာကွယ်ဖို့ပုံမှန်စစ်ဆေးမှုတွေနဲ့ သားအိမ်ခေါင်းစမ်းသပ်စစ်ဆေးမှုတွေ လုပ်ဖို့လိုအပ်ပါတယ်။

သားအိမ်ခေါင်း ကင်ဆာဖြစ်စေသော ဗိုင်းရစ်ပိုး ကာကွယ်ဆေးကိုဘယ်အချိန်မှာရနိုင်မလဲ

သင်ကဘယ်သူနဲ့ မဆိုလိင်ပိုင်းဆိုင်ရာ ထိတွေ့မှုမပြုလုပ်ခင် လိင်အင်္ဂါကြွက်နို့ပိုးကာကွယ်ဆေးက အကောင်းဆုံး အာနိသင်ပြပါတယ်။

  • အသက် ၁၁ နှစ်(သို့မဟုတ်) ၁၂ နှစ်မှာ မိန်းကလေးတွေလိင်အင်္ဂါကြွက်နို့ပိုး ကာကွယ်ဆေးကို ၃ ကြိမ်ထိုးသင့်ပါတယ်။
  • အသက် ၁ ၃ နှစ်ကနေ ၂၆ နှစ်တလျှောက်မိန်းကလေးတွေနဲ့ အမျိုးသမီးတွေမှာ အသက်ငယ်ချိန်က ၃ ခါမထိုးခဲ့ရင် တခါမှမထိုးခဲ့ရရင် ကာကွယ်ဆေးထိုးနိုင်ပါတယ်။
  • လိင်အင်္ဂါကြွက်နိုိ့ပိုး ကာကွယ်ဆေးထိုးခြင်းကို ကိုယ်ဝန်ဆောင်အမျိုးသမီးတွေအတွက် အကြံပြု မထောက်ခံထားပါ။

ကောင်းကျိုးများနဲ့ဆိုးကျိုးများ

  • သားအိမ်ခေါင်းကင်ဆာနဲ့ လိင်အင်္ဂါကြွက်နို့ကို ကာကွယ်ဖို့အရေးကြီးတဲ့တိုးတက်မှု
  • သားအိမ်ခေါင်းကင်ဆာ ၇ဝ% နဲ့လိင်အင်္ဂါကြွက်နို့ ၉ဝ% ဖြစ်နိုင်တဲ့လိင်အင်္ဂါကြွက်နို့ပိုးကာကွယ်မှု
  • အနည်းဆုံး၁ဝနှစ်ကာကွယ်ပေးခြင်း
  • ဘေးကင်းစိတ်ချရပြီးထိရောက်မှုရှိပါတယ်။
  • ဘေးထွက်ဆိုးကျိုးအနည်းငယ်ရှိပါတယ်။(အပျော့စားနာကျင်မှုနဲ့ဆေးထိုးတဲ့နေရာမှာဖူးရောင်ခြင်း)
  • လိင်အင်္ဂါကြွက်နို့ပိုးရှိပြီးသားလူနာတွေကိုမကာကွယ်ပေးပါ။
  • ကာကွယ်မှုအပြည့်ရှိဖို့၆လကျော်မှာဆေးထိုးတာလိုအပ်ပါတယ်။

ရင်သားပုံရိပ်ဖမ်းခြင်း (Mammogram)

ဆေးခန်းမှာရင်သားစမ်းသပ်စစ်ဆေးမှုလုပ်တဲ့အခါအဖု(သို့မဟုတ်)ပုံမှန်မဟုတ်တဲ့တစ်သျှူးတွေရှာမတွေ့တဲ့အခါရင်သားတစ်သျှူးပြောင်းလဲမှုကိုအနီးကပ်ကြည့်ဖို့ဓါတ်မှန်ရိုက်တဲ့စစ်ဆေးမှုဖြစ်ပါတယ်။

သင်အသက်၎ဝထဲရောက်နေပြီဆိုရင်ရင်သားစစ်ဆေးမှုကိုနှစ်တိုင်းလုပ်သင့်ပါတယ်။၅ဝနဲ့၇၄ကြားဆိုရင်အခြားနှစ်ကိုပြောင်းပါ။

ရင်သားနဲ့သက်ဆိုင်တဲ့မကျေနပ်ချက်ရှိတဲ့အမျိုးသမီးတွေအတွက်၊ရင်သားဆိုင်ရာလက္ခဏာတွေဖြစ်တဲ့ရင်သားပုံစံ၊အရွယ်အစားပြောင်းလဲမှု၊အဖု၊နို့သီးခေါင်းမှနို့ရည်ထွက်ခြင်း၊နာကျင်မှုစတဲ့ရင်သားဆိုင်ရာလက္ခဏာတွေရှိတဲ့အမျိုးသမီးတွေအတွက်အသုံးပြုပါတယ်။

ရင်သားကင်ဆာကိုကာကွယ်ဖို့၁နှစ်ကနေ၃နှစ်ထိအမြဲရင်သားစစ်ဆေးမှုပြုလုပ်သင့်ပါတယ်။သင့်မိသားစုထဲမှာရင်သားကင်ဆာဖြစ်ဖူးတဲ့ရာဇဝင်ရှိရင်နှစ်တိုင်းရင်သားစစ်ဆေးမှုခံယူဖို့အရေးကြီးပါတယ်။

Close

အမျိုးသမီးသန်းပေါင်းများစွာအနေနဲ့ သားသမီးမရ ခြင်းကိုရင်ဆိုင်ကြရတယ်။သင့်မှာကိုယ်ဝန်ဆောင်ဖို့အခက်အခဲရှိနေရင်(သို့မဟုတ်)ကိုယ်ဝန်ရဖို့ကြိုးစားနေတယ်ဆိုရင်သင်တစ်ယောက်တည်းမဟုတ်ပါဘူး။သတင်းကောင်းကသားသမီးရဖို့ပြဿနာရှိနေတဲ့အမျိုးသမီးတွေကလေးရဖို့ဆက်လက်ကြိုးစားနေကြတယ်။သင်ဟာသားသမီးမရနိုင်တဲ့အဖော်သူငယ်ချင်း(သို့မဟုတ်)မိသားစုဝင်နဲ့ထိတွေ့ဆက်ဆံနေရရင်အမျိုးသမီးများအနေနဲ့ သားသမီးမရခြင်း ဆေးစစ်ချက်နဲ့မြန်မာနိုင်ငံမှာရ ရှိနိုင်မယ့်ကုသနည်းတွေအကြောင်းလေ့လာဖို့ဒီအပိုင်းကိုအသုံးပြုပါ။

သားသမီးမရခြင်း

အချို့အမျိုးသမီးတွေမှာကိုယ်ဝန်ဆောင်ဖို့အခက်အခဲရှိကြတယ်။အမျိုးသမီးတစ်ယောက်မှာ ၁နှစ်လောက်မအောင်မြင်ဘဲကိုယ်ဝန်ရဖို့ကြိုးစားတဲ့အခါသားသမီးမရတာကိုတွေ့ရှိရပါတယ်။ အမျိုးသမီးတွေမှာထပ်ခါတလဲလဲကိုယ်ဝန်ပျက်ကျတဲ့အခါသားသမီးမရနိုင်တော့ဘူးလို့ယူဆကြတယ်။

အိမ်ထောင်သည်စုံတွဲ၁၀ယောက်မှာ၁ယောက်ထက်ပိုပြီးသားမြုံတာကိုတွေ့ကြုံ ရပါတယ်။သားသမီးမရတာကအမျိုးသမီးရဲ့ပြဿနာမဟုတ်ပါဘူး။အမျိုးသားတွေမှာလည်းပြဿနာရှိနိုင်ပါတယ်။ဇနီးမောင်နှံ တွေမှာကိုယ်ဝန်ရဖို့အခက်အခဲရှိတဲ့အခါအမျိုးသားရဲ့မျိုးပွားမှု အမျိုးသမီးရဲ့မျိုးပွားမှုအကြောင်းတွေကြောင့်လည်းဖြစ်နိုင်ပါတယ်။

အိမ်ထောင်သည်တွေမှာကိုယ်ဝန်ဆောင်ဖို့ပြဿနာရှိတဲ့အခါမှာဖြစ်နိုင်ခြေရှိတဲ့ခန့်မှန်းသုံးသပ်ချက်တွေကတော့

-၃ကြိမ်မှာ၁ကြိမ်ကအမျိုးသားရဲ့မျိုးပွားမှုပြဿနာကြောင့်လည်းကောင်း

-၃ကြိမ်မှာ၁ကြိမ်ကအမျိုးသမီးရဲ့မျိုးပွားမှုပြဿနာကြောင့်သော်လည်းကောင်း

-၃ကြိမ်မှာ၁ကြိမ်ကအမျိုးသားအမျိုးသမီးနှစ်ဦးစလုံးမျိုးပွားမှုပြဿနာကြောင့်လည်းကောင်း သို့မဟုတ် သားသမီးမရနိုင်တဲ့အကြောင်းရင်းကိုရှာမတွေ့နိုင်ပါ။

ဒါကြောင့်အိမ်ထောင်သည်စုံတွဲတွေမှာသားသမီးမရတဲ့ပြဿနာတွေရှိနေရင်အမျိုးသား အမျိုးသမီးနှစ်ဦးစလုံးမျိုးပွားခြင်းပြဿနာတွေကိုစစ်ဆေးကြရပါမယ်။

သားသမီးမရခြင်းအကြောင်းရင်းများ

အမျိုးသမီးများ သားသမီးမရ နှုန်းဟာမြင့် တက်လာ ပါတယ်။ကျွမ်းကျင် သူတွေရဲ့ပြောဆိုချက်အရအမျိုးသမီးတွေဟာအသက်ပိုကြီးလာတဲ့ထိကလေးယူဖို့စောင့်စားနေကြပါတယ်။သားသမီးမရခြင်းဟာအမျိုးသမီးတွေ အတွက် ပြဿနာဖြစ် နိုင်ပါတယ်။ဆက်ဆံရေးတစ်ခုမှာ အသက်ငယ်ငယ်ကြီးကြီးတစ်ကိုယ်တည်း ဖြစ်ဖြစ်သားသမီးမရ ခြင်းဟာဘယ်အမျိုးသမီးကိုမဆိုသက်ရောက်နိုင်ပါတယ်။အမျိုးသမီး တစ်ယောက်အနေနဲ့ သားသမီးမရခြင်းကိုတွေ့ကြုံခံစားနေရတဲ့ကြောင်းရင်းများစွာရှိပါတယ်။

-သားဥမကြွေခြင်း သို့မဟုတ် ပုံမှန်သားဥမကြွေခြင်း

-သားဥပြွန်များပိတ်နေခြင်းကြောင့်သုက်ကောင်နှင့်သားဥတို့မတွေ့ဆုံနိုင်ခြင်း

-သားဥများက အရည်အသွေး န်ိမ့်ပါးခြင်း

-သားအိမ်ပုံသဏ္ဌာန်ကသန္ဓေအောင်မျိုးဥအတွက်သန္ဓေစွဲကပ်ဖို့အခက်အခဲဖြစ်ခြင်း

-နေရာလွဲမှားသားအိမ်တစ်သျှူးများရှိခြင်း

အချို့ကိစ္စတွေမှာသားမြုံခြင်းအတွက်သိနိုင်တဲ့အကြောင်းရင်းမရှိပါဘူး။ဒါကိုမရှင်းပြနိုင်တဲ့သားမြုံခြင်းလို့ခေါ်ပါတယ်။ဒါကအလွန်စိတ်အနှောင့်အယှက်ဖြစ်စေတဲ့စစ်ဆေးချက်ဖြစ်နိုင်ပါတယ်။ဒါပေမဲ့သင်ဟာမရှင်းပြနိုင်တဲ့သားမြုံခြင်းကိုစစ်ဆေးထားရင်တောင်မှသင့်မှာစဉ်းစားဖို့ကုသပုံနည်းလမ်းတွေ ရှိနေပါသေးတယ်။

သားသမီးမရခြင်းအတွက်အကူအညီတောင်းခံခြင်း

အမျိုးသမီးတစ်ယောက်အတွက်ကိုယ်ဝန်ဆောင်ဖို့၁နှစ်လောက်ထိအချိန်ယူရပါတယ်။ဒါကပုံမှန်ပါပဲ။ ကျွမ်းကျင်ကျန်းမာရေးပညာရှင်တွေကတော့သားသမီးမရခြင်းအကြောင်းစမ်းသပ်တာကိုမရှာဖွေခင်အမျိုးသမီးတစ်ယောက်က၁နှစ်လောက်ကြိုးစားသင့်တယ်လို့အကြံပေးထားပါတယ်။ကိုယ်ဝန်ရဖို့မကြိုးစား ခင် ကျွမ်းကျင်ဆရာဝန် တွေထံသွားရောက်ပြီး ကိုယ်ဝန်မဆောင်မီ ကျန်းမာရေး အကြောင်းဆွေးနွေးတာ ကောင်းမွန်တဲ့ အကြံတစ်ခုပါ။တိကျသေချာ တဲ့ကျန်းမာ ရေးပြဿနာတွေကကိုယ်ဝန်ဆောင်ဖို့ ပိုမိုခက် အောင်ပြုလုပ်နိုင်ပါတယ်။သင့်မှာအောက်ပါအကြောင်းတွေရှိခဲ့မယ်ဆိုရင်သင့်ဆရာဝန်နဲ့ မဆွေးနွေးခင် ကိုယ်ဝန်ရဖို့ကြိုးစားနေရင်၁နှစ်လုံးလုံးမစောင့်ပါနဲ့။

-နေရာလွဲမှားသန္ဓေဆောင်ခြင်း

-ရာသီဓမ္မတာပုံမှန်မလာခြင်း

-တင်ပါးဆုံတွင်းပိုင်းရောင်ရမ်းရောဂါရှိခြင်း

-ထပ်ခါတလဲလဲကိုယ်ဝန်ပျက်ကျခြင်း

-သိုင်းရွိုက်ပြဿနာရှိခြင်း

အချို့ကျွန်းကျင်ဆရာဝန်တွေက အသက် ၃၅ နှစ်ကျော်အမျိုးသမီးတွေအနေနဲ့ ကိုယ်ဝန်ရဖို့ ၆ လ ကြိုးစားပြီးနောက် သားမြုံကြောင်း စမ်းသပ်နည်း ရှာဖွေသင့်တယ်လို့ အကြုံပြု ထောက်ခံထားပါတယ်။

သား သမီးမရခြင်းကိုတိုးမြှင့်လာစေတဲ့အကြောင်းရင်းများ

တိကျသေချာတဲ့အကြောင်းရင်းတွေကအမျိုးသမီးတစ်ယောက်ရဲ့သားသမီးမရခြင်းကိုတိုးမြှင့်စေနိုင်ပါတယ်။

အကြောင်းရင်းကတော့

-လိင်ဆက်ဆံရာကတဆင့်ကူးစက်နိုင်တဲ့ရောဂါနောက်ခံ(သို့မဟုတ်)ဟော်မုန်းဆိုင်ရာ ပြောင်းလဲမှုတွေဖြစ်စေတဲ့ကျန်းမာရေးပြသာနာများ

-အသက်အရွယ်-၃၅နှစ်အထက်

-ခန္ဓာကိုယ်အလေးချိန်များလွန်းခြင်း(သို့မဟုတ်)အလေးချိန်နည်းလွန်းခြင်း

-chemotherapy သို့မဟုတ် ကင်ဆာဓာတ်ရောင်ခြည်ကုသမှု

-ခဲနှင့်ပိုးသတ်ဆေးကဲ့သို့ပတ်ဝန်းကျင်အဆိပ်အတောက်များ

-မူးယစ်ဆေးဝါးအလွန်အကျွံသုံးစွဲမှု(သို့မဟုတ်)အရက်သေစာသောက်စားမှု

-အစားအသောက်ချို့တဲ့ခြင်း

-ဆေးလိပ်သောက်ခြင်း

သားသမီးမရခြင်းအကြာင်းစစ်ဆေးချက်အတွက်အသုံးပြုသောစမ်းသပ်နည်းများ

သားသမီးမရခြင်းအကြောင်းစစ်ဆေးချက်က လပေါင်းများစွာကြာတဲ့အတွက်ကြောင့်အဖြေချက်ချင်းမရရင်အားမလျှော့ပါနဲ့။သားသမီးမရခြင်းအ ကြောင်းစမ်းသပ်နည်းသည်များသောအားဖြင့်ကျွမ်းကျင်ဆရာဝန်နှင့်ရုပ်ပိုင်းဆိုင်ရာစစ်ဆေးချက်များပြုလုပ်ပြီးသင့်ရဲ့ဆေးပညာနောက်ကြောင်းကိုမေးမြန်းခြင်းဖြင့်စတင်ပါတယ်။ရုပ်ပိုင်းဆိုင်ရာစစ်ဆေးချက်သည်ပုံမှန်တင်ပါးဆုံပိုင်းစစ်ဆေးချက်နဲ့တူညီပါတယ်။ ဆရာဝန်အနေနဲ့ultrasoundသုံးပြီးသားဥအိမ်နဲ့သားအိမ်ကိုကြည့်ရှုပါမယ်။သင့်ဟော်မုန်းတွေကို စစ်ဆေးဖို့သွေးစစ်ရပါမယ်။သင့်အနေနဲ့ရာသီဓမ္မတာခွင်တစ်ခုအလွန် သွေးစစ်ဆေးချက်အနည်းငယ် လိုအပ်ပါတယ်။

သားဥပြွန်နဲ့သားအိမ်ချို့ယွင်းချက်ရှိမရှိစမ်းသပ်နည်းဖြစ်တဲ့HSGစမ်းသပ်နည်းကိုအသုံးပြုပါတယ်။ အမျိုးသမီးအနေနဲ့စစ်ဆေးခံရမယ့်စားပွဲပေါ်မှာရှိရပါတယ်။သားအိမ်ခေါင်းထဲကိုပြွန်တစ်ချောင်းထည့်ပါတယ်။ဆိုးဆေး(သို့မဟုတ်)ဓာတ်ငွေ့တစ်မျိုးဟာပြွန်တလျှောက်ရောက်နေပါတယ်။ဆိုးဆေးကြည့်ရှုဖို့ ဓာတ်မှန်ရိုက်စက်သုံးရပါမယ်။ဆရာဝန်အနေနဲ့ သားအိမ်နဲ့သားဥပြွန်တစ်လျှောက်လှုပ်ရှားမှုကို စောင့်ကြည့်ရပါတယ်။ဓာတ်ငွေ့ကိုအသုံးပြုရင်ဆရာဝန်နှစ်ဦးကဓာတ်ငွေ့ပူဖောင်းသံနားထောင်ဖို့ ဆရာဝန်သုံးနားကြပ်ကိုအသုံးပြုရပါမယ်။ဒီနည်းကသားဥပြွန်တွေပွင့်တယ်ဆိုတာပြောပြနိုင်တဲ့ နည်းဖြစ်ပါတယ်။

သားသမီးမရခြင်းကုသမှု

သားသမီးမရခြင်းကုသမှုခံယူနေတဲ့အမျိုးသမီးအများစုဟာဆေးဝါးမှီဝဲကြရတယ်။ဆေးဝါးမှီဝဲတာကဟောမုန်းနဲ့သားဥကြွေခြင်းပြသာနာတွေကိုကုသပေးဖို့ဖြစ်ပါတယ်။သန္ဓေအောင်ဖို့ဆေးသောက်ရာမှာဘေးထွက်ဆိုးကျိုးတွေရှိပါတယ်။သင်သောက်သုံးရမယ့်ဆေးဝါးတွေရဲ့ဖြစ်နိုင်တဲ့အကျိုးကျေးဇူးတွေကို သင့်ဆရာဝန်နဲ့တိုင်ပင်ပြောဆိုပါ။

သားဥနဲ့သုတ်ကောင်တွေပေါင်းစပ်ရန်ကူညီဖို့ဆေးဝါးတစ်ခုတည်း(သို့မဟုတ်)အခြားကုသနည်းတွေနဲ့အသုံးပြုရပါမယ်။ဖြစ်နိုင်ခြေအများဆုံးရှိတဲ့ကုသနည်းနှစ်မျိုးမှာ

  • သားအိမ်ထဲကိုသုက်ပိုးထည့်ပေးနည်း—သုတ်ရည်ကိုအမျိုးသားဆီမှစုဆောင်းရရှိပါတယ်။သုတ်ကောင်ဆေးကြောနည်းကကျန်တဲ့သုတ်ရည်ထဲကကျန်းမာသန်စွမ်းတဲ့သုတ်ကောင်ကိုခွဲပေးဖို့လုပ်ဆောင်ပေးပါတယ်။ဆရာဝန်ကသားအိမ်ထဲ သုက်ကောင်တွေတိုက်ရိုက်ထည့်ပေးပါတယ်။သုက်ကောင်တွေထည့်ပေးခြင်းဖြင့်သုတ်ကောင်တွေဟာသားဥနဲ့ပိုမိုနီးကပ်စေပါတယ်။သုက်ကောင်များထည့်ပေးခြင်းဖြင့်သုက်ကောင်များသားဥဆီရောက်ရှိနိုင်ရန်အချိန်နှင့်အကွာအဝေးလျော့ချသက်သာစေပါတယ်။
  • ခန္ဓာကိုယ်ပြင်ပ၌သန္ဓေအောင်စေခြင်း—အမျိုးသမီးဟာသားဥမြောက်များစွာမှည့်လာစေရန်ဆေးဝါးတွေမီဝဲကြတယ်။ဆရာဝန်ကသားဥတွေကိုဖယ်ရှားပေးပါတယ်။အမျိုးသားဆီကရတဲ့သုက်ရည်ကိုသားဥတွေနဲ့အတူဓာတ်ခွဲခန်းမှာအတူထား ပါတယ်။သားဥအချို့မျိုးအောင်ပြီးနောက်သားအိမ်ထဲကိုထည့်ပေးပါတယ်။သားအိမ်နံရံမှာ သားဥတစ်ခု(သို့မဟုတ်)တစ်ခုထက်ပိုတဲ့သားဥတွေသန္ဓေတည်စွဲကပ်နေရင်ကိုယ်ဝန်ရနိုင်ပါတယ်။

Close

ရင်သားကင်ဆာ

ရင်သားကင်ဆာကတော့ အလွန်အဖြစ်များပါတယ်။ မြန်မာနိုင်ငံရှိ အမျိုးသမီး အသက်အရွယ်အားလုံးမှာ အဖြစ်
များနေတဲ့ ကင်ဆာရောဂါဖြစ်ပါတယ်။ ရင်သားအကျိတ်၊ အသားလုံးနှင့် ပုံမှန်မဟုတ်တဲ့ဓာတ်မှန် ပုံရိပ်တွေက
ရင်သားကင်ဆာရဲ့ ပထမဆုံးရောဂါလက္ခဏာတွေပါ။ ရင်သားကင်ဆာကို အစပိုင်းအဆင့်၊ ကုလို့ရတဲ့အခြေ
အနေ ကနေပြီးတော့ ရောဂါပျံ့နှံ့ပြီးဖြစ်တဲ့ ရင့်သောအဆင့်စတဲ့ ရောဂါအဆင့်များသတ်မှတ်ထားပါတယ်။

ပထမဦးဆုံးဖြစ်တဲ့ ရောဂါလက္ခဏာက အတုံးအခဲ ဒါမှမဟုတ် ဓမ္မတာလာပြီးနောက် မကြာခဏ ပေါ်လာတတ်တဲ့ လက်မောင်းအောက်ရှိအတုံးအခဲများဖြစ်ပါတယ်။ အတုံးအခဲတွေက များသောအားဖြင့် နာကျင်ခြင်းမရှိပါဘူး၊ ဒါပေမယ့်လည်း တစ်ခါတစ်ရံမှာ ကသိကအောက် ဖြစ်တဲ့ခံစားမှုတွေကို ဖြစ်စေတတ် ပါတယ်။ ထိုအတုံးအခဲလေးတွေက သူတို့ကိုစမ်းလို့မရခင်အချိန် ဒါမှမဟုတ် မခံစားရခင် အချိန်မှာလည်း အများအားဖြင့် ဓာတ်မှန်ဖြင့်စစ်ဆေးပြီး မြင်တွေ့နိုင်ပါတယ်။

  • ချိုင်းတွင် ရောင်းရမ်းခြင်းများ
  • ရင်သား နာကျင်တာတွေ ဒါမှမဟုတ် ပုံစံပြောင်းလာတာတွေ
  • ရင်သားပေါ်မှာ သိသာတဲ့ အပြားပုံသဏ္ဍာန်ဖြစ်နေခြင်း ဒါမှမဟုတ် အထစ်အဖုများဖြစ်နေခြင်း၊ စတာတွေက မမြင်နိုင်တဲ့ ဒါမှမဟုတ် စမ်းသပ်ခံစားလို့မရတဲ့ အသားလုံးတွေရှိနေကောင်း ရှိနေနိုင်တာကို
    ဖော်ပြပါတယ်။
  • ရင်သားမှာ အရွယ်အစား၊ ပုံသဏ္ဍာန်၊ အနေအထား နှင့်အပူချိန်ပြောင်းလဲမှုရှိမရှိ။ အနီရောင်ခပ် ပြေးပြေးနဲ့ လိမ္မော်သီးအခွံလိုမျိုးအရေးပြားဖြစ်နေရင်တော့ ရင့်နေသော ရင်သားကင်ဆာ လက္ခဏာ သင်္ကေတ
    ဖြစ်နိုင်ပါတယ်။
  • နို့သီးခေါင်းကျုံ့ခြင်း၊ ချိုင့်ကွက်တွေ၊ ယားယံတာတွေ၊ လောင်ကျွမ်းနေသကဲ့သို့ ခံစားရတာတွေ
    ဒါမှမဟုတ် ပြည်တည်နာတွေဖြစ်နေတာတွေ စတဲ့ နို့သီးခေါင်းမှာပြောင်းလဲမှုများ။
  • ပုံမှန်မဟုတ်သော နို့သီးခေါင်းတွေက တစ်ခါတစ်ရံ ပြောင်ရှင်းရှင်းဖြစ်နေတာတွေ၊ သွေးပြစ်ပြစ်ဖြစ်နေ
    တာတွေ၊ ဒါမှမဟုတ် တခြားအရောင်ပြောင်းတာတွေ ဖြစ်စေပါတယ်။ ဒါတွေက အချို့သောအခြေအနေမှာပဲ
    ကင်ဆာကြောင့်လို့ ဆိုလို့ရပါတယ်။
  • အရေပြားအောက်တွင် သလင်းကျောက်ကဲ့သို့ ဖြစ်နေတာတွေ။
  • ရင်သားနှစ်ခုစလုံးတွင် တစ်နေရာနှင့် တစ်နေရာ သိသာတဲ့ ခြားနားမှုရှိနေခြင်း။

ရင်သားကင်ဆာ စစ်ဆေးခြင်းနဲ့ ဓာတ်မှန်ရိုက်ပြီး စစ်ဆေးခြင်းတွေလိုမျိုး ရင်သားကင်ဆာ စောင့်ကြည့်နည်း
လမ်းတွေက ရင်သားကင်ဆာရဲ့ အစောဆုံးအဆင့်တွင်ပင် ရောဂါရှိကြောင်းသိနိုင်ပြီး၊ အများအားဖြင့်တော့
ကုလို့ရတဲ့အဆင့်တွင်သိနိုင်ပါတယ်။

Sources: http://www.medicinenet.com/breast_cancer_facts_stages/article.htm

သားအိမ်ခေါင်းကင်ဆာ

သားအိမ်ခေါင်းကင်ဆာက သားအိမ်ရဲ့ ကျဉ်းမြောင်းတဲ့အဆုံး၊ အောက်ပိုင်းမှာရှိတဲ့ သားအိမ်ထိပ်ဝ ကနေစပါ
တယ်။ မြန်မာနိုင်ငံရှိ အသက် ၁၅ နှစ်ကနေ ၄၄ နှစ် အရွယ် အမျိုးသမီးများတွင် အဖြစ်များပါတယ်။

သားအိမ်ခေါင်းကင်ဆာ အများစုကတော့ HPV ကူးစက်မှုအဆင့်မြင့် ဗိုင်းရပ်စ် ကနေဖြစ်တာပါ။ HPV ဆိုတာ
ကတော့ အမျိုးသမီးလိင်အင်္ဂါ၊ စအို နဲ့ ပါးစပ်စတဲ့ လိင်အင်္ဂါဆိုင်ရာ ထိတွေ့မှုများမှတစ်ဆင့် ကူးစက်တတ်သော
ဗိုင်းရပ်စ် တစ်မျိုးဖြစ်ပါတယ်။ HPV ဗိုင်းရပ်စ်က အဝေးသို့ထွက်သွားခြင်းမရှိရင်တော့ အချိန်ကြာလာရင်
သားအိမ်ခေါင်းကင်ဆာဖြစ်စေပါတယ်။ အခြားအကြောင်းအရာတွေကလည်း HPV ကူးစက်မှုအတိုင်း ကင်ဆာ
ဖြစ်ပွားမှုအား တွန်းအားပေးနိုင်ပါတယ်။ ထိုအခြားအကြောင်းအရာတွေကတော့ —

  • ဆေးလိပ်သောက်ခြင်း
  • HIV ရှိခြင်း ဒါမှမဟုတ် ကိုယ်ခံအားကျဆင်းခြင်း
  • ကိုယ်ဝန်တားဆေးအား အလွန်အမင်းသုံးစွဲခြင်း ( ၅ နှစ်ထက်ပို၍)
  • ကလေးသုံးယောက် ဒါမှမဟုတ် သုံးယောက်ထက်ပိုမွေးထားခြင်း

HPV ကာကွယ်ဆေးထိုးခြင်းဖြင့် သားအိမ်ခေါင်းကင်ဆာမှ ကာကွယ်နိုင်ပါတယ်။ ထိုကာကွယ်ဆေးက ၂၀၀၈
ခုနှစ်ကတည်း မြန်မာနိုင်ငံတွင်ရနေပြီးဖြစ်ပါတယ်။ ထိုကာကွယ်ဆေးထိုးခြင်းနဲ့ပက်သက်ပြီးသင့်ရဲ့ ကျန်းမာရေး
စင်တာတွေ၊ ဆေးခန်းတွေမှာမေးပါ။ တင်ပဆုံရိုးများ စစ်ဆေးခြင်းက သားအိမ်ခေါင်းကင်ဆာရှိမရှိကို စောစော စီးစီးသိနိုင်ပြီး လိင်ဆက်ဆံချိန်တွင် ကွန်ဒုံးသုံးစွဲခြင်းက HPV ကူးစက်ခြင်းမှကာကွယ်ပေးပါတယ်။

Sources:

http://www.mayoclinic.org/healthy-lifestyle/sexual-health/in-depth/cervical-cancer-vaccine/art-20047292
http://www.webmd.com/cancer/cervical-cancer/default.htm

သန္ဓေမျိုးစေ့အိတ် ကင်ဆာ

သန္ဓေမျိုးစေ့အိတ်ကင်ဆာက သားအိမ်ပြွန်ရဲ့ တစ်ဖက်စီမှာရှိတဲ့ သန္ဓေမျိုးစေ့လေးများမှ စတင်ဖြစ်ပေါ်ပါတယ်။

သန္ဓေမျိုးစေ့အိတ် ကင်ဆာက သားန္ဓေမျိုးစေ့လေးများတွင် စတင်ပါတယ်။ သားမျိုးစေ့လေးများက အမျိုးသမီး ဟော်မုန်းဖြစ်စေပြီး အမျိုးသမီး သားမျိုးဥလေးများထုတ်ပေးပါတယ်။ သားမျိုးစေ့အိတ် ကင်ဆာ ကတော့ အသက်ကြီးပိုင်းများတွင်အဖြစ်များတဲ့ ရောဂါတစ်မျိုးပါ။ စောစောသိရရင် ရောဂါကုသမှုက အထိ ရောက်ဆုံး ဖြစ်ပါတယ်။

ရောဂါလက္ခဏာများ

  • ဝမ်းဗိုက်အောင့်တာ ဒါမှမဟုတ် တင်ပါးဆုံအောင့်ခြင်း
  • ဗိုက်ထဲတွင် ဖောင်းပွနေခြင်း
  • ရုတ်တရက် ဆီးသွားခြင်း ( ချက်ချင်း ဆီးသွားဖို့လိုခြင်း)
  • ဆီးသွားခြင်း အကြိမ်အရေအတွက် ( မကြာခဏ ဆီးသွားခြင်း)
  • ဝမ်းချုပ်ခြင်း ဒါမှမဟုတ် ဝမ်းလျှောခြင်း
  • စားသောက်နေချိန်တွင် လျှင်မြန်စွာ ဗိုက်ပြည့်ပြီဟု ခံစားရခြင်း
  • စားသောက်ချိန်တွင် အခက်အခဲရှိနေခြင်း
  • မိန်းမအင်္ဂါတွင် သွေးထွက်ခြင်း၊ ဒါမှမဟုတ် ပုံမှန်မဟုတ်သောအခြားပြောင်းလဲမှုများ
  • ကျောနာခြင်းSources: http://www.cdc.gov/cancer/ovarian/index.htm

သားဥပြွန်ကင်ဆာ

သားဥပြွန်ကင်ဆာကတော့ သားအိမ်ထဲတွင်ရှိ ကိုယ်ဝန်ဆောင်နေချိန်မှာ ကလေးကြီးထွားလာသောနေရာ အခေါင်းပေါက်ပုံစံ၊ သစ်တောသီး ပုံစံရှိတဲ့ အင်္ဂါကနေစဖြစ်ပါတယ်။ သားဥပြွန်ကင်ဆာ အမျိုးအစားနှစ်မျိုးရှိပါ
တယ်။ ထိုနှစ်မျိုးကတော့ သားအိမ်နှုတ်ခမ်းသားကနေ စဖြစ်တဲ့ ကင်ဆာ ( Endometrial cancer) နဲ့ သားအိမ်
ထဲရှိ ကြွက်သားနဲ့တစ်ရှုးတွေကနေ စတင်ဖြစ်တဲ့ (uterine sarcomas) တို့ဖြစ်ပါတယ်။ ထိုနှစ်မျိုးမှာဆိုရင် Endometrial cencer ကတော့ အဖြစ်များတဲ့ကင်ဆာဖြစ်ပါတယ်။ အခုကင်ဆာကတော့ သားအိမ်နံရံဘေး
ရှိ တစ်ရှုးနံရံကနေစတင် ဖြစ်လာတတ်ပါတယ်။ သားအိမ်အတွင်းမှာရှိတဲ့ အခြားပံပိုးပေးနေသော တစ်ရှုးများ
ဒါမှမဟုတ် ကြွက်သားကနေ ကင်ဆာ ကြီးထွားလာတဲ့အခါ Uterine sarcomas ဖြစ်လာပါတယ်။ Uterine
sarcomas ကတော့ သားအိမ် ကင်ဆာရဲ့သေးငယ်တဲ့အပိုင်းလေးတစ်ခုသာဖြစ်ပါတယ်။

Sources: http://womenshealth.gov/publications/our-publications/fact-sheet/uterine-cancer.html?from=AtoZ

အမျိုးသမီးမွေးလမ်းကြောင်း ကင်ဆာ

အန္တရယ်ရှိသောကင်ဆာဆဲလ်များ မွေးလမ်းကြောင်းအတွင်း ရှိနေခြင်းကို မွေးလမ်းကြောင်းကင်ဆာဟုခေါ်သည်။ မွေးလမ်းကြောင်းဆိုသည်မှာ သားအိမ်မှစ၍ မိန်းမကိုယ်အပြင်ဘက်ထိ ဆက်သွယ်ပေးထားသော လမ်းကြောင်းကိုခေါ်ပါသည်။ မွေးလမ်းကြောင်းကင်ဆာသည် သမရိုးကျရောဂါတွေလိုမဟုတ်ပါ။ မွေးလမ်းကြောင်းကင်ဆာနှစ်မျိုးရှိပါသည်။

(၁) Squamous Cell Carcinoma – Squamous လို့ခေါ်တဲ့ ပါးလွာပြီးပြားတဲ့ ဆဲလ်မှဖြစ်ပေါ်လာတဲ့ ကင်ဆာဆဲလ်သည် မိန်းမကိုယ်အတွင်းနံရံတွင်ရှိနေတတ်ပြီး အဆုတ်၊ အသည်းနှင့် အရိုးများအထိ တဖြည်းဖြည်း ကူးစက်နိုင်ပြီး အများအားဖြင့်အဖြစ်များတဲ့ မွေးလမ်းကြောင်းကင်ဆာတစ်မျိုးဖြစ်ပါတယ်။

(၂) Adenocarcinoma: မိန်းမကိုယ်ထဲရှိ အရည်ထုတ်ပေးတဲ့ဂလင်းမှ စတင်ဖြစ်ပေါ်တဲ့ ကင်ဆာတစ်မျိုးဖြစ်ပါတယ်။ ဒီဂလင်းဆဲလ်တွေက မိန်းမကိုယ်အတွင်းမှာ ရှိနေပြီး လိုအပ်တဲ့ အချွဲအကျိတွေကို ထုတ်ပေးနေတာပဲဖြစ်ပါတယ်။ အခုကင်ဆာဆဲပုံစံက အပေါ်ကဖော်ပြခဲ့တဲ့ Squamous လိုပဲ အဆုတ်နဲ့ သွေးဖြူဥအထုံးတွေကို ကူးစက်ပျံ့နှံ့နိုင်ပါတယ်။

ဒီလို ကင်ဆာဆဲလ်တွေဖြစ်ပွားစေနိုင်တဲ့ အပြုအမူတွေအများကြီး ရှိပါတယ်။ ဒါက ဒီလိုပုံစုံတွေ အခြေအနေတွေ ရှိနေရင် ကင်ဆာဖြစ်နိုင်တယ်လို့ ကြိမ်းသေပြောတာမဟုတ်ပင်မယ့် အခွင့်အလမ်း ရှိနိုင်တယ်လို့ ဆိုလိုခြင်းဖြစ်ပါတယ်။

အကယ်၍ သင်က –

  • အသက် ၆၀ ကျော်နေခြင်း
  • HPV ဗိုင်းရစ်ရှိခြင်း (သို့) ကူးစက်ခံရဖူးခြင်း
  • ပုံမှန်မဟုတ်တဲ့ ဆဲလ်တွေ သားအိမ်ခေါင်းအတွင်းရှိခဲ့ဖူးခြင်း (သို့) သားအိမ်ခေါင်းကင်ဆာရှိနေခြင်း
  • ပုံမှန်မဟုတ်တဲ့ ဆဲလ်တွေ သားဥအိမ်အတွင်း ရှိခဲ့ဖူးခြင်း
  • သားအိမ်ကို ထိခိုက်စေနိုင်သည့် ခွဲစိတ်မှုမျိုး (ဥပမာ – သားအိမ်နဲ့ပတ်သက်၍ တစိတ်တပိုင်း ဒါမှမဟုတ် အားလုံး ခွဲစိတ်ထားဖူးခြင်း)

စတဲ့အခြေအနေတွေရှိရင် မွေးလမ်းကြောင်းကင်ဆာဖြစ်စေဖို့ အခွင့်အရေးရှိပါတယ်။

Sources: http://www.webmd.com/cancer/tc/vaginal-cancer-treatment-patient-information-nci-pdq-general-information-about-vaginal-cancer

Close